3 февраля 2023 года, 02:12 (UTC+9:00) t в Якутске: -32 (03:00)

Марфа Филиппова дьон кыһалҕатын быһаарыста

Ил Түмэн Мандаакка уонна регламеҥҥа сис кэмитиэтин председателэ Марфа Филиппованы кытта тохсунньу-олунньу ыйдарга араас кыһалҕаларын быһаартарар соруктаах республика улуустарыттан 14 киһи суругунан уонна тус кэлэн көрсүһүүлэр кэмнэригэр кэпсэттилэр.
 
Ол курдук депутат Марфа Филиппова аатыгар киирбит көрдөһүүнэн олунньу 27 күнүгэр инбэлииттэр кэлээскинэн куоталаһыыларыгар Саха сирин үс төгүллээх чемпиона, Паралимпийскай уоту күөрэччи тутар чиэскэ тиксибит Марат Николаевка Ил Түмэн парламентарий дьахталларын кулуубугар планшеты үөрүүлээх быһыыга-майгыга туттардылар. Марат ааспыт сылтан Владивостоктааҕы федеральнай университет экономическай факультетыгар товаровед-экономист идэтигэр үөрэнэ сылдьар. Онно кини университет тренажернай саалатыгар тенниһинэн дьарыктанар. Депутаттар күүстээх санаалаах уолга инники үөрэҕэр, олоҕор улахан ситиһиилэри баҕардылар.
 
Горнай улууһун олохтооҕо, “Бэрдьигэс” ХЭО директора В.П.Михайлов сылааһынан хааччыйыы ороскуотун төлөбүрүн кээмэйэ тоҕо араастаһарын туһунан боппуруоһу быһаарсары ирдэһэр. Ол быһыытынан депутат аатыттан ирдэһэр суругу республика Правительствотын Председателин солбуйааччы В.А.Маринычев уонна республика РЭК председателин В.И.Лемешева ааттарыгар олунньу 28 күнүгэр ыытта.
 
Үөһээ Бүлүүтээҕи М.А.Алексеев аатынан республикатааҕы гимназия директора О.Е.Филиппов оскуолаҕа 80 миэстэлээх интернат дьиэтин тутууну республика 2012-2016 сылларга ыытыахтаах тутууларын программатыгар киллэртэрэри туруорсубута. Бу боппуруоска депутат үөрэх министрин С.С.Татаринова аатыгар туруорсуу суругу ыытан турар, хоруйа күүтүллэр.
Ити курдук депутат Марфа Филиппованы көрсө  кэлэр дьоннор оҕону саадынан хааччыйыы, олорор дьиэ, элбэх оҕолоох ыалга көмө, оҕону Москваҕа Ревматология научнай-чинчийэр институтугар илдьэн көрдөрүү, Пекиҥҥэ эмтэнэ барар оҕо эмтэниитин ороскуотун уйунуу  уо.д.а. боппуруостарын туруорсаллар. Норуот депутата судургута суох, тустаах дьоҥҥо тирээн турар суолталаах уустук боппуруостары быһаарыыга  туһааннаах тэрилтэлэри, былаас уорганнарын кытта биир тылы булан үлэлиир.
 
Ил Түмэн пресс-сулууспата
 
 
Опубликовано: 28 февраля, 2014 - 11:02
Заметили ошибку в тексте? Выделите ее и нажмите Ctrl+Enter, чтобы сообщить об этом администратору.
Спасибо!
^ Наверх ^
X
Ошибка в тексте:
Сообщить об ошибке администратору? Ваш браузер останется на той же странице