5 февраля 2023 года, 12:26 (UTC+9:00) t в Якутске: -31 (09:00)

Владимир Прокопьевы кытта сир туһунан сиһилии кэпсэттилэр

Ил Түмэн сир сыһыаннаһыыларыгар, айылҕа баайыгар уонна экологияҕа сис кэмитиэтин председателэ Владимир Прокопьев олунньу 27 күнүгэр болдьоммут “Депутат приемугар” киниэхэ кэлбит дьону кытта көрүстэ.
 
Депутаты кытта көрсөн кэпсэтэ кэлбит инбэлиит Николай Черноградскай Марха бөһүөлэгэр миэбэли оҥорууга үлэлэтэр чааһынай тэрилтэтигэр производствотын кэҥэтэр сыаллаах. Онуоха кини мастарыскыай туттарыгар сир учаастагын туруорсар. Владимир Прокопьев мастарыскыайга дьиэ буларга эбэтэр сири арендаҕа биэрэргэ норуот депутатын аатыттан киин куорат дьаһалтатын баһылыгар аадырыстаан суругунан туруорсуу ыытар сөптөөҕүн туһунан киниэхэ сүбэлээтэ.
 
Эдэр специалистары, тыа хаһаайыстыбатыгар эрэ буолбакка, муниципальнай тэриллии сирин-уотун сайыннарыыга итиэннэ онно саҥа салаалары арыйыыга үлэлэтии боппуруоһугар Дьокуускай олохтооҕо Петр Иванов кэлэн кэпсэттэ. Итиэннэ кини Хаҥалас улууһугар сир учаастагын туһаныыга бэйэтин бырайыагын аҕалан  билиһиннэрэн, депутаттан ити боппуруостарга тустаах сүбэлэри ылла. 
 
Депутакка Уус-Алдан улууһун Тиит Арыы нэһилиэгиттэн кыһалҕатын туруорса кэлбит Николай Егоров бааһынай хаһаайыстыбатын тэринэр сыаллаах 10 гектар сири ылбытын, онтун сорҕотун бас билиигэ хайдах ылыахха сөбүгэр итиэннэ бааһынай хаһаайыстыбатын тэринэн үлэлииргэ, сири табыгастаахтык туһаныыга депутаты кытта сүбэлэһэн, туһааннаах ыйытыыларыгар хоруйдары ылан барда.
 
Иккис ыҥырыылаах Ил Түмэн депутата Владимир Иванов сиртэн хостуур промышленность тулалыыр айылҕаҕа, сиргэ-уокка дьайыытын уонна айылҕа харыстабылын боппуруостарыгар сис кэмитиэт председателин кытта атах тэпсэн олорон, сиһилии кэпсэттэ, ити боппуруостарга тус көрүүлэрин иһитиннэрэн, санаатын үллэһиннэ.
 
Ил Түмэн пресс-сулууспата
 
  
 
Опубликовано: 28 февраля, 2014 - 17:36
Заметили ошибку в тексте? Выделите ее и нажмите Ctrl+Enter, чтобы сообщить об этом администратору.
Спасибо!
^ Наверх ^
X
Ошибка в тексте:
Сообщить об ошибке администратору? Ваш браузер останется на той же странице