Ил Түмэн IV ыҥырыытын народнай депутата, республика тыатын хаһаайыстыбатын урукку министрэ, СР Правительствотын Бэрэссэдээтэлин солбуйааччы, Саха сирин суруйааччыларын Союһун чилиэнэ, прозаик, драматург Дмитрий Наумов бу күннэргэ 65 сааһын бэлиэтиир. Бу дьоро түгэнинэн сибээстээн, А.С.Пушкин аатынан Национальнай библиотека историческай саалатыгар Дмитрий Наумов айар үлэтин кэрэхсээччилэр, ааҕааччылар, театр уонна наука үлэһиттэрэ, суруналыыстар суруйааччыны кытта көрсүһүүгэ автор тыа сирин туһунан айымньыларын тула санааларын атастастылар.