Ил Түмэн уочарата суох ахсыс пленарнай мунньаҕар 2014 сыл ыам ыйын 27 күнүгэр норуот депутата Ольга Макиенко “Быыбар сокуонун эйгэтигэр Саха Өрөспүүбүлүкэтин сорох сокуоннарын актарыгар уларытыылары киллэрии туһунан” өрөспүүбүлүкэ сокуонун барылын көҕүлээһинэ көрүллүбүтэ.
Сокуон барыла өрөспүүбүлүкэ сокуонун “Российскай Федерация сорох сокуоннарын актарыгар уларытыылары киллэриитуһунан”51 №-дээх федеральнай сокуоҥҥа сөп түбэһиннэрии бэрээдэгинэн бэлэмнэммит. Быыбар сокуона быыбардааччыларга, рефендум кыттыылаахтарыгар быыбардыыр учаастак хамыыһыйата куоластааһын эбэтэр референдум түмүктэрин быһаарыытыгар уонна үлэтигэр (үлэлээбэтигэр) суукка үҥсүү түһэрэр быраабы биэрэр саҥа балаһыанньаларынан ситэриллэн биэрдэ.
Ольга Макиенко “Саха Өрөспүүбүлүкэтин народнай депутаттарын быыбарын туһунан” өрөспүүбүлүкэ сокуонун 94 ыстатыйатыгар уларытыыны киллэрэргэ эттэ. Саҥа редакциянан ити ыстатыйа 3 чааһыгар этиллэринэн, быыбардааччылар дьиҥнээх санааларыгар сөп түбэспэт кэһиилэр тахсар түгэннэригэр, суут туһааннаах таһыма хамыыһыйа куоластааһын түмүгүн туһунан уурааҕын көтүрэр кыахтааҕа ыйыллар. Хамыыһыйа уурааҕын көтүрэн баран, суут быыбар эбэтэр референдум түмүктэрин таһаарыыга кэһиилэр чахчы тахсыбыт буоллахтарына, быыбардааччылар, референдумҥа кыттыбыттар куоластарын саҥаттан ааҕар туһунан быһаарыыны ылыныан сөп. Депутаттар итинник уларытыылары «Саха Өрөспүүбүлүкэтигэр муниципальнай быыбардар тустарынан” өрөспүүбүлүкэ сокуонугар киллэрэр туһунан боппуруоһу дьүүллэстилэр.
“Быыбар сокуонун эйгэтигэр Саха Өрөспүүбүлүкэтин сорох сокуоннарын актарыгар уларытыылары киллэрии туһунан” өрөспүүбүлүкэ сокуонун барыла бу пленарнай мунньахха бүтэһиктээх ааҕыыга ылыллыбыта.
Ил Түмэн пресс-сулууспата
Опубликовано: 29 июля, 2014 - 10:41
Заметили ошибку в тексте? Выделите ее и нажмите Ctrl+Enter, чтобы сообщить об этом администратору.
Спасибо!
Спасибо!