Санкт-Петербуртан финансист үөрэҕин бүтэрэн саҥа кэлбит эдэр үлэһити дуогабардаах тэрилтэтэ – Экэниэмикэ министиэристибэтэ “миэстэ суох” диэн хаҕыстык көрсүбүтэ. Хата, Култуура министиэристибэтэ үлэҕэ ылбыта. Онтон атын Г.Н. Алексеев курдук энэргиэтикэҕэ уонтан тахса сыл үлэлээн “Сахаэнерго” генеральнай дириэктэрин бастакы солбуйааччыга диэри үүммүт, үлэтин ымпыгар-чымпыгар диэри билэр уопуттаах испэсэлииһэ суох хаалыах эбиппит. Билигин Ил Түмэн дьокутаата.