“Саха Өрөспүүбүлүкэтин парламентаризмын сайдыытыгар кылаатын иһин” бэлиэнэн сокуону оҥорууга, парламентаризм уонна парламеннар икки ардыларынааҕы сибээһи сайыннарыыга кылааттарын киллэрбит РФ уонна омук гражданнара наҕараадаланаллар. Түөскэ иилиллэр бэлиэ күөх дьэҥкирдиҥи кырааскалаах, тоҕус салаалаах көмүс дьүһүннээх сулуһунан эргитиллибит. Мэтээл ортотугар Ил Түмэн көстүүтэ, Василий Никифоров-Күлүмнүүр пааматынньыга ойууламмыт. Төгүрүччү хараҥа күөх өҥүнэн Саха Өрөспүүбүлүкэтин Судаарыстыбаннай Мунньаҕа (Ил Түмэн) диэн суруллубут. Мэтээл кэннигэр “Саха Өрөспүүбүлүкэтин парламентаризмын сайдыытыгар кылаатын иһин” диэн суруктаах.

 

Саха Өрөспүүбүлүкэтин Ил Түмэнин Бэрэссэдээтэлэ Александр Жирков Саха Өрөспүүбүлүкэтин парламентаризмын сайдыытыгар кылаатын иһин” саҥа бэлиэ бастакы нүөмэрдээх дастабырыанньатын  Сакха Өрөспүүбүлүкэтин бастакы Президенэ Михаил Николаев бу дьыл сэтинньи 13 күнүгэр 80 сааһын бэлиэтиир үбүлүөйүгэр туттарбыта.

 

Ахсынньы 25 күнүгэр Суорун Омоллоон аатынан Опера уонна балет театрыгар Сэбиэттэр бастакы Бүттүүн Саха сиринээҕи съезтэрин 95 сылын бэлиэтиир үөрүүлээх мунньахха Саха Өрөспүүбүлүкэтин Ил Түмэнин спикерэ Александр Жирков “Саха Өрөспүүбүлүкэтин парламентаризмын сайдыытыгар кылаатын иһин” бэлиэнэн парламентаризм сайдыытыгар уһулуччу кылааттаах дьону -- САССР XI ыҥырыылаах Үрдүкү Сэбиэтин Президиумун Бэрэссэдээтэлэ, РСФСР Үрдүкү Сэбиэтин Президиумун Бэрэссэдээтэлин солбуйааччы, АССР РСФСР XI ыҥырыылаах Үрдүкү Сэбиэтин дьокутаата Люлия Григорьеваны, Саха ССР XII ыҥырыылаах Үрдүкү Сэбиэтин Бэрэссэдээтэлэ, ССРС XII ыҥырыылаах Үрдүкү Сэбиэтин депутата, САССР X, XI ыҥырыылаах Үрдүкү Сэбиэтин дьокутаата, I, II, III ыҥырыылаах Ил Түмэн дьокутаата Климент Иванову, IV ыҥырыылаах Ил Түмэн  Бэрэссэдээтэлэ, РФ III, IV ыҥырыылаах Судаарыстыбаннай Думатын дьокутаата Виталий Басыгысовы,I, II ыҥырыылаахИл Түмэҥҥэ Бэрэстэбиитэллэр палааталарын Бэрэссэдээтэлин солбуйааччы Александр Власовы, Саха ССР XII ыҥырыылаах Үрдүкү Сэбиэтин, I, II, III ыҥырыылаахИл Түмэн дьокутаата,  IV ыҥырыылаах Ил Түмэн Бэрэссэдээтэлин солбуйааччы,  XII ыҥырыылаах РСФСР Үрдүкү Сэбиэтин дьокутаата Андрей Кривошапкины, I ыҥырыылаах Ил Түмэн дьокутаата, CCРС XII ыҥырыылаах дьокутаата Макар Яковлевы, I ыҥырыылаах Ил Түмэн дьокутаата, XII ыҥырыылаах РСФСР Үрдүкү Сэбиэтин дьокутаата Прокопий Иванову, II, III, IV ыҥырыылаах Ил Түмэн дьокутаата, XII ыҥырыылаах РСФСР Үрдүкү Сэбиэтин дьокутаата, РФ II  ыҥырыылаах Судаарыстыбаннай Думатын  дьокутаата Зоя Корнилованы, САССР VIII, IX, X ыҥырыылаах Үрдүкү Сэбиэтин дьокутаата Кирилл Павловы, II, IV, Vыҥырыылаах Ил Түмэн дьокутаата, РФ I ыҥырыылаах Судаарыстыбаннай Думатын  дьокутаата Егор Жиркову, II, IV, V ыҥырыылаах Ил Түмэн дьокутаата, III ыҥырыылаах Ил Түмэн Бэрэссэдээтэлин солбуйааччы Александр Ким-Кимэни наҕараадалаата.

Ил Түмэн пресс-сулууспата