Ил Дархан Айсен Николаев өрөспүүбүлүкэ аҕа баһылыгын быһыытынан үлэлээбитэ бүгүн биир сылын туолла. Бу кылгас кэм иһигэр Арктика эргимтэтин сайдыытыгар халыҥ муус хамсаан, улахан үлэ ыытыллан эрэр. Ол туһунан Елена Голомарева, Ил Түмэн норуодунай дьокутаата санаатын үллэстэр:
— Өр быһаарыллыбакка турбут боппуруос быһаарыллан, 8 улуус (Абый, Үөһээ Халыма, Дьааҥы, Муома, Өлөөн, Орто Халыма уонна Эбээн-Бытантай) арктическай зонаҕа холбонно. Хоту улуустар социальнай-экэнэмиическэй сайдыыларыгар биир кэлим бырагыраама оҥоһуллара сабаҕаланар, онно үлэ бара турар. Ил Дархан Айсен Николаев Арктика олохтоохторун сир, тырааныспар нолуогуттан босхолуурга аан бастакынан этии киллэрдэ. Ону таһынан, ыраах сытар уһук улуустарга билигин саамай улахан уонна тыын боппуруос тырааныспар, бу эйгэҕэ саҥа хардыылары уонна уларыйыылары күүтэбит. Айсен Сергеевич хотугу эргимтэ оройуоннарын дьонун-сэргэтин олоҕун-дьаһаҕын эдэр эрдэҕиттэн үчүгэйдик билэр. Билигин таба иитиитигэр улахан хамсааһыннаах мунньахха бэлэмнэнэбит.
Спасибо!