Ааспыт 2015 сылга Улуу Кыайыы 70 сылын бэлиэтиир тэрээһиннэр чэрчилэринэн, норуот депутата Павел Пинигин Доруобуйа харыстабылын министиэристибэтин нөҥүө Чурапчы нэһилиэктэригэр босхо медицинскэй көрүүнү тэрийбитэ.
Ол курдук, муус устар уонна ахсынньы ыйдарга алта быраас улууска тахсан, барыта уон икки нэһилиэккэ, үс учаастакка сылдьан сэрии, тыыл бэтэрээннэригэр, сэрии тулаайахтарыгар, нэһилиэнньэҕэ ультразвугунан чинчийии оҥордо, ис-үөс, сүрэх, тыынар уорганнар уопсай туруктарын көрдө. Сыллааҕы уопсай түмүгүнэн, барыта 1528 киһи кэлэн көрдөрүннэ, доруобуйатыгар чинчийиини ааста.
Бу хайысхаҕа үлэ салҕанан, олунньу 27-28 күннэригэр Мэҥэ Хаҥалас улууһун Бүтэйдээх уонна Өлөчөй нэһилиэктэригэр түөрт быраас тахсан, 418 киһини хабан, уопсай туруктарын көрдө, ультразвугунан чинчийии ыытта.
Нэһилиэнньэ бу тэрээһини биһириирин биллэрдэ, суол-иис, харчы боппуруоһа кыаллыбакка уонна сорох түгэҥҥэ улууска наадалаах исписсийэлиис суоҕунан көрдөрүммэккэ сылдьыбыта быһаарыллан, дьон-сэргэ махталын тиэртэ.
Салгыы маннык хабааннаах үлэ Чурапчы улууһун икки нэһилиэгэр уонна Таатта улууһугар ыытыллара былааннанар.
Павел Пинигин уопсастыбаннай көмөлөһөөччүтэ Айталыына Пудова
Опубликовано: 9 марта, 2016 - 16:35
Заметили ошибку в тексте? Выделите ее и нажмите Ctrl+Enter, чтобы сообщить об этом администратору.
Спасибо!
Спасибо!