-- Муниципальнай тэриллии бэрэстэбиитэллээх уорганнар сокуону оҥорууларыгар көрсөр кыһалҕаларын туһунан «төгүрүк остуолга» өрөспүүбүлүкэ быыбардыыр киин кэмитиэтин бэрэссэдээтэлин солбуйааччы Вильям Иванов иһитиннэриитин сэргии иһиттим. Дьокутааттар сокуонунан бырааппыт, боломуочуйабыт элбэх эбит. Ону ситэри билбэккэ сылдьыбыппыт. Олохтоох салайыныы уопсастыбынньыктары кытта үлэтин туһунан «төгүрүк остуолга» Аҕалар түмсүүлэрин бэрэссэдээтэлэ Айхал Габышев өйдөнөр гына элбэх информацияны иһитиннэрдэ. Кини үлэтин холобуругар биһиги эмиэ нэһилиэкптигэр баар уопсастыбаннай түмсүүлэрбитин регистрациялаан, таһаарыылаахтык үлэлииллэрин ситиһиэхпит. Мин бэйэм пенсионербын, эбии туох да дохуотум суох. Бэйэм ис сүрэхпиттэн кыһаллар буолан дьокутааттыы сылдьабын. Ону дохуотум туһунан декларация ирдииллэр. Мин курдук туох да эбии дохуота суох үлэлээччилэр элбэхтэр эбээт. Бу ирдэбил үлэлиир баҕабытын эстэрэр.

 

 

 

 

Чурапчы нэһилиэгин дьокутаата Сергей Новгородов бырайыагынан үлэлээһин туһунан семинары сэргээбит.

 

-- Бырайыагынан үлэлээһин олох ирдэбилинэн буолар. Биһиги сийиэс чэрчитинэн квалификацияны үрдэтии куурсугар сылдьан олус элбэҕи биллибит. Кырдьык, үлэбит түмүктээх буоларын ситиһэрбит болдьосто. Семинар түмүгүнэн  Инновация менеджменын үрдүкү оскуолатын сертификатын биэрдилэр. Маны таһынан  уопсастыбаннай олоххо уонна политика сайдыытыгар эдэр дьокутааттар оруолларын туһунан «төгүрүк остуолга» сырыттым. Дьокутаат статуһун үрдэтэн, эдэр, саҥалыы толкуйдаах дьону дьокутааттыыр үлэҕэ тардыахха наада. Ол инниттэн үөрэтэр, сүбэлиир тэрээһиннэри кэмтэн-кэмигэр тэрийэр наада.

 

Сардаана КУЗЬМИНА