Муус устар 20 күнүгэр Нам улууһун Хатырык нэһилиэгэр М.К. Аммосов аатынан Саха Өрөспүүбүлүкэтин судаарыстыбаннаһын музейыгар Саха Өрөспүүбүлүкэтин күнүгэр аналлаах тэрээһини бэлэмниир оробуочай бөлөх мунньаҕа Саха Өрөспүүбүлүкэтин Ил Түмэнин аппаратын салайааччытын солбуйааччыта Л.С.Заболоцкая салалтатынан буолла.
Мунньахха СӨ Ил Түмэнин аппаратын, СӨ Ил Дарханын, Бырабыыталыстыбатын дьаһалтатын, СӨ култуураҕа уонна духуобунай сайдыыга министиэристибэтин, Нам улууһун дьаһалтатын бэрэстэбиитэллэрэ, Хатырык нэһилиэгин баһылыга А.М. Пинигин, музей үлэһиттэрэ кыттыыны ыллылар, Өрөспүүбүлүкэ күнүгэр бэлэмнэнии хаамыытын кытта билистилэр.
Хатырыкка М.К.Аммосов аатынан Судаарыстыбаннас музейыгар уонна Аппааныга И.Е.Винокуров аатынан музейга сылдьан, музей үлэһиттэрин кытта кэпсэттилэр, быыстапкалары көрдүлэр.
Ону таһынан музейдар икки ардыларыгар хардарыта дьайсыы, салгыы бииргэ үлэлээһин туһунан кэпсэттилэр. Сүрүн болҕомтону музей фондатын байытар, кэҥэтэр үлэни тэрийии хайысхаларыгар уурдулар. Музейга хараллан сытар, норуокка көрдөрүүгэ турар М. К Аммосов кыыһа Лена Максимовна Аммосова бэлэхтээбит аҕатын Максим Кирович тус бэйэтэ тутта сылдьыбыт малларын, сэдэх экспонаттары, хаартыскалары кытта билистилэр.
Саха норуотун тапталлаах уола, уһулуччулаах судаарыстыбаннай уонна политическай деятель Максим Кирович Аммосов төрөөбүтэ 120 сылын көрсө быыстапка тэриллиитин боппуруостарын дьүүллэстилэр.
Анна Юмшанова.
Опубликовано: 22 апреля, 2017 - 12:45
Заметили ошибку в тексте? Выделите ее и нажмите Ctrl+Enter, чтобы сообщить об этом администратору.
Спасибо!
Спасибо!