- Тылгыны нэһилиэгэ кэлэр 2018 сылга төрүттэммитэ 100 сылын туолар. Бу туһунан биһиги кулун тутар 16 күнүгэр Ил Түмэҥҥэ сис кэмитиэттэр бэрэссэдээтэллэрин кытта көрсөн кэпсэттибит, нэһилиэкпит олоҕун-дьаһаҕын, ханнык боппуруостар долгуталларын билиһиннэрдибит.

 

Тылгыны нэһилиэгэ өрүс уҥуор, Бүлүү куоратыттан 180 км ыраах хоту сытар. Икки үрэх, Бүлүү өрүс  муус устартан суолбутун “быһар” уонна күһүн сэтинньи ортотугар диэри суола суох буолабыт. Онон бу нэһилиэкпитигэр өрүү  сытыытык турар боппуруоспут буолар. Кэлиҥҥи сылларга сүөһү ахсаанын элбэтэри ситистибит, сылын аайы граннарга кыттабыт. Хас да төгүл грант хаһаайына буолбуппут.

 

Бэрэстэбиитэллээх уорганнар I съезтэрэ олус киэҥ былааннаах ыытыллаары турара биллэр. Съезкэ Бүлүү улууһун делегациятыгар биһиги нэһилиэкпититтэн уопуттаах, өр сылларга таһаарыылаахтык үлэлиир дьокутаат Василий Николаевич Иванов киирдэ. Нэһилиэнньэбитигэр, олохтоох салайыныыга, итиэннэ үп-харчы өттүгэр сыһыаннаах ыйытыктары бэлэмнээн кэпсэтиигэ кыттыаҕа. Съезд бэрэстэбиитэллээх уорганнар түөлбэ боппуруостарыттан саҕалаан нэһилиэнньэни кытта үлэни тэрийиилэригэр туһалыаҕа дии саныыбыт.

 

Нэһилиэкпит сэбиэтэ 11 дьокутааттаах,  бэрэссэдээтэл - нэһилиэк баһылыга,  биэс хамыыһыйалаахпыт. Дьокутааттарбыт уопсастыбаннай үлэҕэ куруутун көхтөөхтүк кытталлар. Нэһилиэнньэҕэ дьиэ-уот тупсарыытыгар көмө оҥороллор.  Бу сыл балаҕан ыйыгар быыбар буолуохтаах.

 

Нэһилиэк олоҕо дьокутаат хайдах үлэлиириттэн тутулуктаах, онон үлэни-хамнаһы хайдах ыытарыттан дьоҥҥо-сэргэҕэ сабыдыала улахан оруоллаах буолар.

Ил Түмэн пресс-сулууспата