Ахсынньы 10 күнүгэр Дмитрий Сивцев-Суорун Омоллоон аатынан Опера уонна балет судаарыстыбаннай тыйаатырыгар Ньурба улууһун тыатын хаһаайыстыбатын бородууксуйатын быыстапка-дьаарбаҥката ыытылынна.
Бу үөрүүлээх тэрээһиҥҥэ Ил Түмэн бэрэссэдээтэлин солбуйааччыта Антонина Григорьева, Ил Түмэн сир сыһыаннаһыыларыгар, айылҕа ресурсаларыгар уонна экологияҕа сис кэмитиэтин бэрэссэдээтэлэ Владимир Прокопьев, СӨ тыатын хаһаайыстыбатын миниистирин солбуйааччыта Николай Афанасьев кытыннылар.
Ньурба улууһугар бу күннээҕи туругунан тыа хаһаайыстыбатын бородууксуйатын онорон таһаарыыга алта хааччахтаммыт эппиэтинэстээх тэрилтэ үлэлиир - Ньурбатааҕы көтөр фабриката, Степан Васильев аатынан сылгы собуота, «МТС Ньурба-Агро», «Күндээдэ», «Саһарҕа» уонна Ньурбатааҕы кормовой тэрилтэ. Ону таһынан Чаппанда, Ньурбачаан, Кэнчээри, Хорула онорон таһаарар кооперативтар уонна улуус бары нэһилиэктэригэр 124 бааһынай хаһаайыстыба үлэ араас көрүҥнэринэн дьарыктаналлар.
Быыстапка-дьаарбаҥкаҕа тыа хаһаайыстыбатын бородууксуйатын астыыр «Байар», «ВилМар» уонна «Влада» тэрилтэлэр, Ньурбатааҕы көтөр фабриката, Степан Васильев аатынан сылгы собуота бэйэлэрин бородууксуйаларын биир дойдулаахтарыгар, Дьокуускай куорат олохтоохторугар атыыга таьааран хамаҕатык күндүлээтилэр.
Мария Андросова
Опубликовано: 11 декабря, 2018 - 21:10
Заметили ошибку в тексте? Выделите ее и нажмите Ctrl+Enter, чтобы сообщить об этом администратору.
Спасибо!
Спасибо!