Кистэл буолбатах, хаһыакка сурутуу көрдөрүүтэ биллэрдик түстэ. Маныаха бу көстүү Интернет уонна телевидение ситимнэрэ сайдан, сонун кыл түгэн иһигэр тарҕанарыттан тахсар диир сыыһа. Интернет үчүгэйдик тиийэ илик тыа сиригэр хаһыаты син биир убаастыыллар, кэтэһэллэр.
Норуот депутата, Ил Түмэн олохтоох салайыныы боппуруостарыгар сис кэмитиэтин бэрэссэдээтэлэ Василий Местников Өймөкөөн улууһун Томтордооҕу киин библиотекаҕа уонна Орто Халыма, Үөһээ Халыма бэтэрээннэригэр “Ил Түмэн” хаһыаты суруттарда.
“Ил Түмэн хаһыаттан уураахтары, сокуоннары эрэ билэр буолбатаххын. Хаһыат олус элбэх туһалаах информацияны кэпсиир балаһардаах, киэһэ иллэҥсийдэххэ ааҕар ыстатыйалардаах. Ордук аҕам саастаах дьоммут наллаан олорон хаһыаты ааҕалларын сөбүлүүллэр. Ол иһин ыраах хотугу улуустарга олорор ытык кырдьаҕастарбытыгар хаһыаты бэлэх ууннум”, — диэн кини этэр.
«Үтүө санаалаах сурутуу» — «Ил Түмэн» Издательскай дьиэ социальнай акциятын чэрчитинэн биһиги таһаарыыларбытыгар суруйтаран, эһиги социальнай тэрилтэлэр уонна нэһилиэнньэ социальнай өттүнэн көмүскэлэ суох араҥата – пенсионердар уонна инбэлииттэр бүгүҥҥү күҥҥэ тирээн турар кыһалҕаларын хайдах быһаарыахха сөбүн туһунан сонуннары уонна сытыы матырыйааллары ыла туралларыгар көмөлөһөҕүт.
Редакция иһинэн сыл аҥаарыгар сурутуу сыаната — 600 солкуобай,
сыллааҕы сурутуу — 1200 солк.
Акцияҕа кыттар баҕалаах дьону «Ил Түмэн» издательскай дьиэ общественноһы кытта сибээстэригэр отделыгар маннык төлөпүөннэргэ эрийэллэригэр көрдөһөбүт: 8(4112) 402-210; 89245961349.
Опубликовано: 20 октября, 2017 - 16:43
Заметили ошибку в тексте? Выделите ее и нажмите Ctrl+Enter, чтобы сообщить об этом администратору.
Спасибо!
Спасибо!