Саха Өрөспүүбүлүкэтигэр халаан уутуттан эмсэҕэлээбит нэһилиэнньэлээх пууннарга гуманитарнай көмөнү оҥоруу боппуруоһа бэс ыйын 10 күнүгэр Хабаровскай куоракка «Уһук Илин уонна Забайкалье» Парламенын Ассоциациятын уопсай мунньаҕар көрүллүөҕэ.
Саха Өрөспүүбүлүкэтин Ил Түмэнин Бэрэссэдээтэлэ Александр Жирков көҕүлээһининэн уонна Хабаровскай кыраай Сокуону оҥорор Думатын Бэрэссэдээтэлэ, «Уһук Илин уонна Забайкалье» Парламенын Ассоциациятын бэрэссэдээтэлэ Сергей Луговскойу кытта кэпсэтии быһыытынан, Саха сиригэр халаан уутуттан эмсэҕэлээбиттэргэ көмөнү оҥорор туһунан боппуруос «Уһук Илин уонна Забайкалье» Парламенын Ассоциациятын уочараттаах уопсай мунньаҕар көрүллүөҕэ.
Мунньахха Саха сирин парламеныттан Саха Өрөспүүбүлүкэтин Ил Түмэнин Бэрэссэдээтэлин бастакы солбуйааччыта Анатолий Добрянцев кыттыаҕа.
Саха Өрөспүүбүлүкэтин Ил Түмэнин Бэрэссэдээтэлин этиитин Иркутскай уобалас, Красноярскай кыраай, Москва куорат Думатын, Тыва Өрөспүүбүлүкэтин Үрдүкү Хуралын (парламенын) уонна Алтай Өрөспүүбүлүкэтин Судаарыстыбаннай Мунньаҕын Эл Курултайын салайааччылара өйөөтүлэр.
Ил Түмэн пресс-сулууспата
Опубликовано: 4 июня, 2018 - 12:46
Заметили ошибку в тексте? Выделите ее и нажмите Ctrl+Enter, чтобы сообщить об этом администратору.
Спасибо!
Спасибо!