Бу күннэргэ Дьокуускай куоракка Сунтаар улууһун Элгээйи нэһилиэгин Күннэрэ ыытыллар. Ил Түмэн спикерэ Александр Жирков 2015 сыл кулун тутар 28 күнүгэр парламеҥҥа Элгээйи делегациятын уонна Дьокуускай куоракка олорор нэһилиэктэн төрүттээх дьону кытта көрүстэ.
Республика киин куоратыгар ыытыллар нэһилиэк Күннэринэн эҕэрдэлээн туран, Александр Жирков сарсыарда 10 чаастан буолбут көрсүһүүгэ парламент сокуону оҥорор үлэтин билиһиннэрдэ итиэннэ тыа сирин нэһилиэктэрин чөл тутан сайыннарыы республика государственнай политикатын сүрүн хайысхатынан буоларыгар тохтоото.
Ил Түмэн Председателэ тыа сирин нэһилиэнньэтин олоҕун уйгутун улаатыннарыыга былааннаах үлэни ыытар, хас биирдии нэһилиэккэ, аҕыйах нэһилиэнньэлээх, суола-ииһэ суох, ыраах сытар кыра да нэһилиэктэргэ социальнай суолталаах тэрилтэлэри – оскуолалары, оҕо саадтарын, балыыһалары, культура тэрилтэлэрин -- харыстаан, чөл хаалларар наадатын туһунан эттэ. «Дьон олорор, үлэлиир усулуобуйатын, социальнай, медицинскэй өттүнэн көмөлөр оҥоһуллар усулуобуйаларын тэрийиэх тустаахпыт. Өскөтүн тыа дьонугар олох табыгастаах усулуобуйатын тэрийдэхпитинэ, үлэ оҥорон таһаарыыта үрдүөҕэ, тыа хаһаайыстыбатын производствотын бигэ сайдыытын ситиһиэхпит», - диэтэ Александр Жирков уонна Сунтаар улууһа былыр былыргыттан олоҥхону, оһуохайы, ырыаны-тойугу, үҥкүүнү-битиини, ыһыаҕы хараҕын харатын курдук харыстаан, сайыннаран илдьэ кэлбит саха норуотун төрүт культуратын киининэн буоларын бэлиэтээтэ.
Көрсүһүүгэ кэпсэтии сүрүннээн 2020 сылга диэри Элгээйи нэһилиэгин социальнай-экономическай сайдыытын Стратегиятын барылын тула барда. Баай историялаах, кэрэ айылҕалаах, аатырар-сураҕырар музейдардаах, ымсыырдар ыһыахтардаах, биллэр-көстөр дьоннордоох Элгээйи нэһилиэгэ 2021 сылга 250 сааһын бэлиэтээри олорор. Нэһилиэк сайдыытын Стратегиятын барыла ити дьоһун түгэҥҥэ бэлэмнэнии чэрчитинэн бэлэмнэнэн оҥоһуллубут.
Ил Түмэн спикерэ нэһилиэги сайыннарыыга үлэни былааннаахтык ыытар ордугун бэлиэтээн, элгээйилэр сирдэрин-уоттарын социальнай-экономическай өттүнэн сайыннарыыга ылыммыт былааннарын өйүүрүн биллэрдэ.
Стратегия барылыгар Элгээйигэ агрокластеры олоххо киллэрии былаана киирбит. Барыл быһыытынан нэһилиэк кэтэх хаһаайыстыбаларын биир кээпэрэтиипкэ түмэн, үүт бородууксуйатын оҥорон таһаарыы былааннанар. Нэһилиэк баһылыга Гаврил Яковлев көрсүһүү кыттыылаахтарыгар саҥа барылга киирбит агрокластер төһө кээмэйдээх бородууксуйаны оҥорон таһаарыан сөбүн туһунан ааҕыылары-суоттааһыннары билиһиннэрдэ.
Нэһилиэк баһылыга Урбаан сылыгар былааннанарын тимир оҥоһуктар сыахтара аһыллаары турарын, агрохолдины, ыраас ууну атыылыыр пууну, сынньалаҥ уонна туризм киинин, бизнес-инкубаторы тэрийиигэ былааннарын туһунан кэпсээтэ.
13 №-дээх Сунтаардааҕы биир мандааттаах быыбардыыр уокуруктан Ил Түмэн депутата Семен Березин нэһилиэк сайдыытын былааннаахтык ыытар сөбүн бэлиэтээтэ. Парламентарий элгээйилэри бары күүһү туруоруммут соруктарын толорууга туһулуулларыгар ыҥырда.
Көрсүһүү кыттыылаахтарын Элгээйитээҕи «Алаас» уус-уран самодеятельнай ансамбль уонна Карина Попова, Юлия Николаева ырыанан-тойугунан эҕэрдэлээтилэр.
Ил Түмэн пресс-сулууспата
Спикер Ил Тумэна встретился с делегацией Эльгяйского наслега
В эти дни в столице республике проходят Дни Эльгяйского наслега. В рамках мероприятий Дней сегодня, 28 марта 2015 года, Председатель Государственного Собрания (Ил Тумэн) Александр Жирков встретился в здании парламента республики с делегацией и уроженцами Эльгяйского наслега.
Спикер Госсобрания (Ил Тумэн) Александр Жирков приветствовал участников мероприятия, ознакомил с законотворческой деятельностью парламента Якутии. Председатель Ил Тумэна подчеркнул, что сохранение и развитие сельских поселений является приоритетным направлением государственной политики республики.
Председатель Ил Тумэна отметил, что сегодня необходимо проводить планомерную работу для повышения качества жизни сельского населения, сохранить в каждом из них, даже самом малонаселённом и труднодоступном населённом пункте социальные объекты – школы, детские сады, больницы, культурные учреждения. «Необходимо создать условия для комфортного проживания и доступности социального и медицинского обслуживания. Если создадим сельскому жителю комфортные условия для жизни, то, в конечном итоге, повысится производительность труда, будет достигнуто устойчивое развитие сельскохозяйственного производства», - подчеркнул Александр Жирков и добавил, что Сунтарский улус славится в республике как один из центров национальной культуры саха, в котором бережно относятся к сохранению и развитию культурного и духовного наследия народа саха, а сунтарские ысыахи славятся далеко за пределами республики.
Глава Эльгяйского наслега Гаврил Яковлев рассказал о проекте социально-экономического развития наслега до 2020 года, сообщил, что в Год Предпринимательства планируется открытие цеха по производству кованых изделий, поделился планами по созданию аргохолдинга, пункта по реализации очищенной воды, центра отдыха и туризма и бизнес-инкубатора.
Народный депутат республики по Сунтарскому одномандатному избирательному округу № 13 Семен Березин сказал о необходимости планового подхода к развитию села. Парламентарий призвал эльгяйцев сплотить все силы для реализации намеченных планов.
Участников встречи своими песнями поздравили эльгяйский самодеятельный ансамбль «Алаас», Карина Попова, Юлия Николаева.
Пресс-служба Ил Тумэна
Опубликовано: 28 марта, 2015 - 17:43
Заметили ошибку в тексте? Выделите ее и нажмите Ctrl+Enter, чтобы сообщить об этом администратору.
Спасибо!
Спасибо!