Ил Түмэн Председателэ Александр Жирков Дьокуускайга Былатыан Ойуунускай аатынан Саха драмтеатрын дьиэтигэр кулун тутар 25 күнүгэр Культура үлэһиттэрин күнүн үөрүүлээх тэрээһинигэр кытынна.
 
Тэрээһин Саха сиригэр норуоттар культураларын, духуобунай сайдыыларын үрдүк таһымҥа таһаарбыт, саха норуотун культуратын үрүҥ көмүс үйэтин барҕардыбыт, республика государственнай уонна общественнай деятелэ, СР Баһылыгын Государстеннай сүбэһитэ Андрей Саввич Борисов Саха Республикатын культуратын министрин дуоһунаһыгар үйэ чиэппэрэ кэм устатыгар Саха сирин культуратыгар, искусствотыгар айымньылаах, үрдүккэ дьулуурдаах үлэтинэн киллэрбит үтүө түмүктэрин бэлиэтээһин чэрчитинэн ыытылынна.
 
ССРС уонна РФ Государственнай бириэмийэлэрин лауреата, Россия уонна Саха Республикатын искусствотын үтүөлээх деятелэ, РФ “Кыһыл көмүс мааска” Государственнай бириэмийэтин лауреата, П.А.Ойуунускай аатынан Государственнай бириэмийэ лауреата, ССРС народнай депутата (1989-1992с.с. бүтэһик ыҥырыы), Арктикатааҕы искусство уонна культура государственнай институтун тэрийээччи, республика культуратын  министринэн айымньылаахтык үлэлээбит Андрей Саввич Борисов аата аан дойду театральнай эйгэтигэр киэҥник биллэр. 
 
Культура үлэһиттэрин күнүгэр сөп түбэһиннэриллибит Андрей Борисовы чиэстээһин, саҥа үлэҕэ алҕаан-махтанан атаарыы түгэнигэр бүтүн Евразияҕа, аан дойдуга ытыктанар Россия уонна Саха Республикатын искусствотын деятелэ культураны салайбыт кэмигэр Арктикатааҕы искусство уонна культура государственнай института, А.В.Посельская аатынан Дьокуускайдааҕы Хореографическай училище, Музыка Үрдүкү оскуолата, Хомус музейа, циркэ, театрдар уо.д.а. курдук, культура 24 бөдөҥ тэрилтэлэрэ арыллыбыттара бэлиэтэннэ.
 
Ил Түмэн Председателэ Александр Жирков Андрей Борисов 90-с сылларга  буккуурдаах-тэккиирдээх, дьон майгыта-сигилитэ алдьанар кэмигэр республика культуратын министринэн үлэлээн саҕалаабытын бэлиэтээтэ.  “Оччолорго дойдубут үгүс субъектарыгар культура эйгэтигэр ыһыллыы-тоҕуллуу бара турар кэмигэр  биһиги республикабытыгар саамай сөпкө уонна бэрт табыгастаахтык Андрей Саввич Борисовка культураны салайар үлэ итэҕэйиллибитэ”, -- диэтэ спикер.
 
Александр Жирков ити кэмнэргэ Саха сиригэр культура сайдар сүрүн тосхолун таба быһаарыы саха культуратын үрүҥ көмүс үйэтин барҕардыыга туһуламмытын, ити саҕалааһын кэлэр уонунан сылларга салгыы сайдан бара туруоҕун бэлиэтээтэ.  Ылыммыт дьыалатыгар үрдүк дьулуурдаах, бэриниилээх киһи бэйэтин курдук дьону түмэн, Саха сирин культуратын, духуобунай баайын аан дойду таһымыгар барҕарда сайыннарыыта – министр А.С.Борисов сүрүн ситиһиитэ. «Иккиһинэн, бу сылларга кини биһиги культурабыт туллар тутааҕын – Саха театрын – иилээн-саҕалаан салайыыта улахан суолталаах. Өссө ааспыт XIX-XX үйэлэр кирбиилэригэр аҕыйах ахсааннаах саха интеллигенцията саҥа XX-с үйэҕэ, техническэй сайдыы үйэтигэр киириигэ үөрэҕэ суох саха норуотун сырдатыыны театр көмөтүнэн ыыппыта. 1906 сыллаахха саха эпоһыгар олоҥхоҕо олоҕурбут бастакы спектакль туруоруллубута. Ити кэнниттэн тута сахалыы спектакллар утуу-субуу туруоруллан барбыттара, Лев Толстой, Денис Фонвизин, Николай Гоголь, Антон Чехов айымньыларын тылбаастара, олохтоох автордар тахсыбыттара”, -- диэн этэн туран, Александр Жирков   талааннаах режиссер, салайааччы «Хаарыан хампа күөх кытылым» улуу спектаклынан Саха сирин, Россия эрэ көрөөччүлэригэр буолбакка, аан дойду көрөөччүтүгэр биһиги бука бары биир тыыга олорорбутун, тыыны дьалкыҥнатар кутталлааҕын, бэйэ бэйэҕэ харыстабыллаах сыһыан эрэйиллэрин символ быһыытынан көрдөрөн, хас биирдии киһи  өйүгэр-сүрэҕэр чаҕылхайдык тиэрдибитин бэлиэтээтэ.
 
Андрей Борисов ити символ буолбут ыҥырыыта билиҥҥэ диэри аан дойду норуоттарын иллээх-эйэлээх олоххо, айымньылаах үлэҕэ сомоҕолуур бөдөҥ форумнарга, конференцияларга дуораһыйан иһиллэр. Режиссер аан дойдуну биир тыынан сирэйдээн көрдөрүүтэ, киһи аймаҕы тыыга олорон иһээччилэргэ холооһуна дьоҥҥо-сэргэҕэ саҥа өйү-санааны сахпыта, Андрей Борисов аан дойдуну итинник анааран, сыаналаан ылыныыны төрүттээбит киһинэр буолар.
 
Александр Жирков биһиги кэммит уһулуччулаах киһитин өссө биир уратытын туһунан бу курдук эттэ: «Кини бэйэтин айар үлэтинэн, спектаклларынан, айбыт уобарастарынан биһиги республикабыт государственноһа сүһүөҕэр туруутугар уонна сайдыытыгар сиэр-майгы өттүнэн үтүө тыыны уган бэйэтин кылаатын киллэрдэ, Василий Никифоров-Күлүмнүүр, Былатыан Ойуунускай, Максим Аммосов, бырааттыы Ксенофонтовтар, Өксөкүлээх Өлөксөй, Василий Никифоров-Манньыаттаах уолун, онтон да атыттар уобарастарынан республика государственноһын историятыгар сиэр-майгы үрдүк төрүттэрин уурда. Манна даҕатан эттэххэ, кинилэри көрөөччү иннигэр аан бастаан биир кэккэҕэ туруоран, норуот иннигэр бары тэҥнэрин бэлиэтээбитэ. Кинилэр туохха эмэ сыыһардаах-табардаах биитэр көрүүлэрэ-санаалара араастаһыылаах да буоллар,  бары биир ыраас, сырдык -- бэйэлэрин кыахтарынан, билиилэринэн-көрүүлэринэн, олохторун толук биэрэн туран, төрөөбүт норуоттарын кэрэ кэскилин, уйгулаах олоҕун оҥкулун түстүүр -- санаанан салайтараллара. Кинилэри Андрей Саввич биир кэккэҕэ туруорбута. Онон билигин норуот барыларын тэҥник көрөр. Театр искусствотын үтүөтэ, Андрей Саввич Борисов үтүөтэ уонна дириҥ муударай көрүүтэ итиниэхэ сытар». Ил Түмэн спикерэ инникитин да Андрей Борисов культура үлэһиттэрин, дьону-норуоту үрдүккэ, кэрэҕэ кынаттыы, искусство абылаҥнаах эйгэтигэр угуйар сулус буола сылдьарыгар баҕарда.
 
М.К. Аммосов аатынан Хотугулуу-Илиҥҥи федеральнай университет ректора, Ил Түмэн депутата  Евгения Михайлова ЮНЕСКО олоҥхону киһи аймах тылынын уус-уран уһулуччулаах айымньытын быһыытынан билиниитигэр Андрей Борисовы кытта бииргэ үлэлээбит кэмин санатан туран, айар куттаах киһиэхэ уҕараабат эрчиминэн салгыы айа-тута сылдьарыгар баҕа санаатын тиэртэ.
    
Андрей Борисов республика культуратын эйгэтигэр уһун сылларга бииргэ үлэлээбит бары үлэһиттэргэ истиҥник махтанна уонна дойду Президенэ Владимир Путин ыйбыт хайысхатынан “Саха сирин норуоттарын духуобунай сайдыытын парадигматын” былаанын оҥорбутун иһитиннэрдэ. Андрей Саввич “Россия бастыҥ баайа --  эгэлгэ кэрэ, уран культуралаах элбэх омуктар эйэлээхтик бииргэ түмсэн олоруулара буолар” диэтэ.   Кини ити программатын культура уонна духуобунай сайдыы саҥа министригэр Владимир Тихоновка туттарарыгар культура үлэһиттэригэр туһаайан: «Саҥа министргитин харыстааҥ. Киниэхэ эбэтэр культура биллэр-көстөр деятелигэр саба түһэр буоллахтарына, культураҕа саба түһүү курдук ылыныҥ”, -- диэн алгыс тылын эттэ.
 
Дьоро түгэҥҥэ Андрей Борисовка Саха сирин дьонун-сэргэтин аатыттан “Ил Кут” дириҥ ытыктабыл, махтал уонна харысхал  үрүҥ көмүс бэлиэтэ туттарылынна.   
 
Состоялся творческий отчет Андрея Борисова 
 

 25 марта 2015 года общественность республики, деятели культуры и искусства отметили День работника культуры Российской Федерации в Саха академическом театре им. П.А. Ойунского.
 
В этом году праздничное мероприятие прошло в виде торжественной передачи народным артистом России, заслуженным деятелем искусств Российской Федерации, лауреатом Государственных премий СССР и Российской Федерации, народного депутата СССР последнего созыва Андреем Борисовым должности министра культуры и духовного развития Республики Саха (Якутия) Владимиру Тихонову.
 
Вечер был задуман как своеобразный отчет Андрея Саввича о проделанной работе за без малого 25 лет работы на посту министра. За эти годы было построено более двадцати объектов культуры, открыты учебные заведения культуры и искусств: Якутское хореографическое училище им. А. В. Посельской, Высшая школа музыки, Арктический государственный институт искусств и культуры и другие. Были созданы- самый северный цирк в мире, Музей хомуса, Национальный художественный музей имени М. Ф. Габышева и несколько театров.
 
Андрея Борисова в новой должности Государственного советника Республики Саха (Якутия) от имени руководства приветствовал председатель Ил Тумэна Александр Жирков: «В отчаянные для страны годы, когда рушились, казалось навсегда, вековые устои, некоторые субъекты неудачно распорядились со своей культурой, запустив тем самым, во многом необратимые, события. Нашей республике повезло, жребий руководить культурой Якутии пал на Андрея Саввича Борисова. Это предопределило вектор развития культуры в Якутии на целых четверть века. Когда, вы - работники культуры не получали зарплату месяцами, а то и по полгода, только имя министра Борисова, талантливого человека, полномочного от вас представителя в руководстве республики, придавало вам силы работать, невзирая на трудности».
 
Спикер Госсобрания отметил: «На рубеже XIX – XX веков, когда в абсолютном большинстве малограмотный наш народ вступал в ХХ век, представители молодой национальной интеллигенции решили приобщить родной народ к просвещению через театр. В 1906 году был поставлен первый любительский спектакль по мотивам олонхо "Бэрт киьи Бэриэт Бэргэн". Началась волна постановок якутских спектаклей на основе переводов произведений Льва Толстого, Николая Гоголя, Дениса Фонвизина, Антона Чехова. Появились первые пьесы на якутском языке. В конце ХХ века, когда страна вступила в тяжелую фазу реформ, Андрей Саввич возглавил святая святых нашей культуры – Саха театр. Все это время можно назвать «серебряным веком» якутской культуры. Андрей Борисов как режиссер смог донести до якутского, российского и мирового зрителя важную мысль: «Все мы - люди находимся в одной лодке. Старайтесь не раскачивать её, будьте внимательны друг другу, цените друг друга». Этот призыв – предтеча к поиску мира и согласия звучит рефреном во всех международных форумах и встречах. Верю, это убеждение Андрея Борисова, как новое самосознание глобального мира станет господствовать на всей Земле».
«Думаю, Андрей Саввич, Вы будете и дальше, не одно десятилетие, вдохновлять и воодушевлять людей своим примером и тягой к прекрасному», - сказал в заключение Александр Жирков.
 
Ректор Северо-Восточного федерального университета им. М.К. Аммосова, народный депутат Якутии Евгения Михайлова в своем кратком выступлении вспомнила годы совместной работы с Андреем Борисовым по продвижению якутского эпоса-олонхо в нематериальные шедевры человечества ЮНЕСКО.
 
Андрей Борисов поблагодарил работников культуры Якутии за совместный труд на протяжении многих лет, поделился своими планами и вкратце рассказал о разработанной им «парадигме развития духовности народов Якутии» в свете новых ориентиров, заданных Владимиром Путиным.
 
Андрей Саввич подчеркнул, что самое ценное в России – многонациональная, многообразная культура, мирное содружество многих народов.  Торжественная передав программу развития культуры Республики Саха на цифровом носителе новому министру культуры и духовного развития РС(Я), Андрей Саввич обратился к залу: «Берегите своего нового министра. Считайте, если нападают на него или на известного деятеля культуры, значит, нападают на всю культуру».
 
От имени народа Якутии с выражением глубокой и искренней благодарности за все заслуги Андрею Борисову был преподнесен серебряный знак духовного лидера Якутии «Ил Кут».
 
Пресс-служба Ил Тумэна