Бүгүн, кулун тутар 1 күнүгэр, Ил Түмэҥҥэ өрөспүүбүлүкэ муниципальнай тэриллиилэрин бэрэстэбиитэллээх уорганнарын мунньаҕа буола турар. Мунньах программатынан депутаттар эбиэккэ диэри үс боппуруоһу көрдүлэр.
Ил Түмэн иһинэн муниципальнай тэриллиилэр бэрэстэбиитэллээх уорганнарын депутаттарыттан 75 чилиэннээх Сэбиэт тэрилиннэ.
Бэрэссэдээтэлинэн Ил Түмэн спикерэ Александр Жирков, бэрэссэдээтэли солбуйааччыларынан Ил Түмэн олохтоох салайыныы боппуруостарыгар сис кэмитиэтин бэрэссэдээтэлэ Василий Местников, Дьокуускай куорат Думатын бэрэссэдээтэлэ Александр Саввинов, президиум чилиэннэринэн промышленнай оройуоннартан Нерюнгри мунньаҕын бэрэссэдээтэлэ Валерий Селин, Бүлүү умнаһын улуустарыттан Ньурба улууһун мунньаҕын бэрэссэдээтэлэ Сергей Евсеев, киин улуустартан Горнай улууһун мунньаҕын бэрэссэдээтэлэ Алквиад Тарасов, илин эҥэртэн Мэҥэ Хаҥалас улууһун бэрэссэдээтэлэ Андрей Находкин, хоту улуустартан Өймөкөөн улууһун мунньаҕын бэрэссэдээтэлэ Татьяна Алферова талылыннылар.
Ил Түмэн пресс-сулууспата
Опубликовано: 1 марта, 2018 - 15:15
Заметили ошибку в тексте? Выделите ее и нажмите Ctrl+Enter, чтобы сообщить об этом администратору.
Спасибо!
Спасибо!