Быыбар, РФ сокуонугар сөп түбэһиннэрэн, булкаастаах систиэмэнэн барда. Быыбардааччылар, баартыйынай испииһэк да иһин, эмиэ ол курдук биир мандааттаах уокуруктар ханьыдааттарыгар куоластарын биэрдилэр.

 

«Үөһээ Бүлүү улууһугар быыбары ыытыыга, нэһилиэнньэ көхтөөхтүк быыбарга тахсарыгар кыттыыны ыллым. Дьон-сэргэ быыбар суолтатын үчүгэйдик өйдүү илик. Маныаха муниципальнай тэриллиилэр инникитин дьон быыбарга 100% кыттарын ситиһиэхтээхтэр, сыал-сорук туруорунан үлэлииллэрэ ирдэнэр. Миэхэ, депутат быһыытынан, нэһилиэнньэттэн тахса сылдьыбыттара. Ол курдук, сорох дьон испииһэккэ киирбэккэ хаалбыт, сорох дьон ханна тиийэн куоластыылларын чопчу билбэт. Ол да буоллар, Үөһээ Бүлүү олохтоохторун быыбарга кыттыыларын көрдөрүүтэ урукку сыллардааҕар үрдүк. Быыбар сиэрдээхтик ааһарыгар олохтоох дьаһалта оруола улахан буолуохтаах», - диэн норуот депутата бэйэтин санаатын эттэ.