В.А.Босиков аатынан Музыка үрдүкү оскуолатын дьоһун үбүлүөйүн бэлиэтиир үөрүүлээх кэнсиэр үөрэнээччилэр духовой оркестрдарын сүргэни көтө5өр э5эрдэтинэн аһылынна.

 

Музыка үрдүкү оскуолата СР Президенэ М.Е.Николаев 1993 сыл тохсунньу 30 күнүгэр таһаарбыт Ыйаа5ынан олохтоммута, оскуола5а СР Президенэ Е.А.Борисов Ыйаа5ынан оскуола бастакы ректорын, Россия уонна Саха сирин культураларын үтүөлээх үлэһитин В.А.Босиков аата иңэриллибитэ. Оскуола кэллэктиибин, үөрэнээччилэри, араас сылларга о5олору музыка кэрэ эйгэтигэр уһуйбут учууталлары республика бастакы Президенэ, оскуоланы төрүттээччи, Госдума депутата Михаил Николаев э5эрдэлээтэ: «Музыка үрдүкү оскуолатын 20 сыла – бу саңа Саха Республикатын тутуу бэлиэ түгэннэриттэн биирдэстэрэ. Республика 104 тыһыынча о5о5о үрдүк үөрэ5и биэрдэ. Ол о5олор бүгүңңү күңңэ саңа республика сайдыытыгар үлэлииллэр. Биһиги республикабыт музыкальнай искусствота дириң историческай силистээх. 70 сыл анараа өттүгэр 1943 сыллаахха республика5а бастакы музыкальнай оскуола аһыллыбыта. Салайааччылар ыччаты духуобунай, сиэр-майгы өттүнэн иитии сыаннастарын өйдүүллэрэ. Онуоха музыка оруола улахан».

 

Саха Республикатын Государственнай Мунньа5ын уонна тус бэйэтин аатыттан парламент Председателэ Александр Жирков э5эрдэ тылыгар Музыка үрдүкү оскуолатын үөрэнээччилэрин уһулуччулаах маастарыстыбаларын дириң силиһэ кинилэр норуот кэрэ дор5ооннору айар ис-хаан утумун иңэринэн илдьэ сылдьалларыгар буоларын бэлиэтээтэ. «Бүгүн биһиэхэ өссө биир идея олоххо киирэ турар. Бу эмиэ Михаил Ефимович Николаев идеята буолар. Ити туһунан кини республикабыт Правительствотыгар тыл этэригэр  норуоттар икки ардыларынаа5ы семинар таһымыгар этэн турар. Ол – «Музыканы – бука барыбытыгар» программа. Онон Музыка үрдүкү оскуолата бэйэтин 20 сылын туолуутугар саңа, эмиэ сонун, эмиэ улахан кэскиллээх – бары о5олорго, Саха сирин бары олохтоохторугар, үүнэр көлүөнэбит бүттүүнүгэр музыкальнай үөрэхтээһини биэрэр идеяны са5алыыр. Бу улахан өйөбүлү эрэйэр. Ол туһугар үлэлиэххэ наада. Маныаха Музыка үрдүкү оскуолатын кэлэктиибигэр ураты оруол бэриллэр», - диэн туран, Александр Жирков музыка үрдүкү оскуолатын учууталларыгар уонна үөрэнээччилэригэр үрдүк ситиһиилэри ба5арда.

 

 

 

Салгыы Государственнай мунньах Председателэ Александр Жирков үөрүүлээх түгэнинэн сибээстээн, ыччаты музыкальнай үөрэхтээһиңңэ өр сыллаах, эңкилэ суох үлэтин, республика культуратын сайдыытыгар киллэрбит кылаатын иһин Музыка үрдүкү оскуолатын үөрэх чааһыгар сэбиэдиссэйигэр Вера Дьячковская5а Ил Түмэн кыһыл көмүс чаһылаах Бочуоттаах грамотатын саала дохсун ытыс таһыныытынан до5уһуоллатан туттарда.