2013 сыл алтынньы ый 1 күнүгэр наукаҕа, үөрэххэ, култуураҕа, сонуну киэҥник тарҕатар ситимнэргэ уонна уопсастыбаннай тэрилтэлэр дьыалаларыгар сис кэмитиэт бэрэссэдээтэлэ Антонина Григорьева «Айылгы» (Матрена Петрова, Вилюяна Никитина), «Айсар» (Александр Григорьев), Айыы кыһатын иһинэн тэриллибит «Аҕа сүбэтэ» (Владимир Ю), «Ыал култууратын киинэ» (Любовь Аргунова) уопсастыбаннай тэрилтэлэр салайааччылрын кытта көрүстэ.
Ону таһынан көрсүһүүгэ национальнай оскуолалар сайдыыларын чинчийэр институт директора Светлана Семенова, «Айыы кыһатын» директора Лидия Шамаева, солбуйааччылар Рустам Каженкин, Ольга Сухаринова уонна төрөппүт комитетыттан Алексей Герасимов кыттыыны ыллылар.
Көрсүһүүгэ, чуолаан, Саха Республикатын “Үөрэхтээһин туһунан” сокуонун тула кэпсэтии барда. Уопсастыбаннай тэрилтэлэр бэйэлэрин санааларын эттилэр.
Сүрүннээн былаас уонна уопсастыбаннай тэрилтэлэр күүстэрин холбоон үлэлээһиннэрэ гражданскай общество сайдыытыгар үтүө түмүктэээх буолуоҕар биир санааҕа кэллилэр. Көрсүһүү кыттыылаахтара инники былааннары торумнаатылар, үлэ хайысхаларын чуолкайдаатылар.
Ил Түмэн пресс-сулууспата
Опубликовано: 5 ноября, 2013 - 09:24
Заметили ошибку в тексте? Выделите ее и нажмите Ctrl+Enter, чтобы сообщить об этом администратору.
Спасибо!
Спасибо!