Норуот сомоҕолоһуутун күнүгэр СР Общественнай палатата көҕүлээбит “Бары бүттүүн!” диэн халаан уутун содулугар түбэспиттэргэ көмөлөһөр телерадио-марафон акциятын Ил Түмэн депутаттара биир бастакынан өйөөтүлэр.
Билэрбит курдук, республика кэккэ улуустарыгар халаан уута улахан хоромньуну таһааран, дьон бас билиитигэр, олоҕор-дьаһаҕар улахан охсууну таһаарбыта. Манан сибээстээн, Ил Түмэн депутаттара, аппарат үлэһиттэрэ уопсайа 186 тыһыынча 150 солкуобайдаах биир күннээх хамнастарын биэрэн, дьиэҕэ-уокка, хаһаайыстыбаҕа туттуллар малы-салы, таҥнар таҥаһы, утуйар таҥас кэмпилиэктэрин атыылаһан, ону таһынан эбии мал-сал хомуйан ыыппыттара. Оттон ууга ылларбыт нэһилиэктэрдээх, улуустардаах депутаттар, төрөөбүт сирдэригэр көмөһүүнү иэстэрин курдук ылынан, улуустар аһымал акцияларын ис сүрэхтэриттэн өйөөбүттэрэ, көмөнү тэрийсиигэ сүүрбүттэрэ-көппүттэрэ.
Телерадио-марафон кэмигэр Ил Түмэн депутаттара Антонина Григорьева, Марфа Филиппова, Александр Корякин уонна Василий Местников парламент сис кэмитиэттэрин председателлэрэ кыттыспыт харчыларын туттараннар, халаан уутун содулугар оҕустарбыттар кыыдааннаах кыһыны этэҥҥэ туоруулларыгар бар дьон көмөтүгэр кыттыстылар.
Ил Түмэн пресс-сулууспата
Опубликовано: 5 ноября, 2013 - 12:06
Заметили ошибку в тексте? Выделите ее и нажмите Ctrl+Enter, чтобы сообщить об этом администратору.
Спасибо!
Спасибо!