2015 сыл кулун тутар 5 күнүгэр норуот депутата Александр Романовы кытта тус көрсөн кэпсэтэ, туруорсар боппуруостарын быһаартара түөрт киһи депутат приемугар кэлэ сырытта.
Норуот депутатын приемугар кэлбит дьон туруорсар тус кыһалҕалара республика үгүс олохтоохторун бырааптарын уонна интэриэстэрин кытта майгыннаһар. Ол курдук Александр Романов олорор дьиэнэн хааччыллыы, чааһынай дьиэни газтааһын, олорор усулуобуйаны тупсарыы боппуруостарынан дьон көрдөһүүлэрин көрдө.
Холобура, быйыл Аҕа дойду Улуу сэриитигэр Кыайыы 70 сыла туоларынан сибээстээн, “Аляска – Сибиир” авиатрассанан көтүүгэ дозаправка сулууспатыгар трактористаабыт тыыл ветеранын көрдөһүүтүн депутакка тиксэрэ кини кыыһа кэлбит. Депутат тыыл ветераныгар бу боппуруоһун хайдах быһаарыахха сөбүн ыйан, сүбэлээн туран, кини көрдөһүтүн тус хонтуруолугар ылла.
Куоракка Хатыҥ Үрэххэ чааһынай дьиэ туттубут элбэх оҕолоох ыал аҕата газ киллэринэригэр ыалларын эрдэ кыттыгас тардыммыт утахтарыгар холбоноругар улахан суумалаах харчыны көрдүүллэрин уйунар кыаҕа суоҕун туһунан эттэ. Александр Романов бу боппуруоһу быһаарыыга сөптөөх суоллары ыйан, туһааннаах сүбэлэри биэрдэ.
Бу күн депутакка куорат кытыытынааҕы Мархаттан канализацияны тутуу уонна киин куораттан олорор дьиэ боппуруостарыгар өссө икки киһи кэлэн кэпсэтэн, туруорсар кыһалҕаларын быһаарыллар суолларын тобулан бардылар.
Александр Романов приемун кэмигэр киниэхэ киирбит бары көрдөһүүлэри тус хонтуруолугар ылла.
Ил Түмэн пресс-сулууспата
Опубликовано: 5 марта, 2015 - 23:49
Заметили ошибку в тексте? Выделите ее и нажмите Ctrl+Enter, чтобы сообщить об этом администратору.
Спасибо!
Спасибо!