Республика Культураҕа уонна духуобунай сайдыыга министерствотыгар Саха сиригэр Санкт-Петербург Күннэрин ыытыы чэрчитинэн министр Андрей Борисов салалтатынан ыытыллыбыт сүбэ мунньахха Ил Түмэн Председателин солбуйааччы Ольга Макиенко уонна наукаҕа, үөрэхтээһиңңэ, культураҕа, сонуннары киэңник тарҕатар средстволарга сис кэмитиэт председателэ Антонина Григорьева, онтон да атыттар кытыннылар. Сүбэ мунньахха кэпсэтии культура эйгэтигэр федеральнай уонна региональнай таһымнаах бырайыактар тула бардылар.
Манна «Олоңхо дойдута» Национальнай инновационнай бырайыак, IT-паарканы тэрийии уонна киинэ индустриятын сайыннарыы бырайыага, «Киинэ кулууба. Культура. Үөрэхтээһин. Коммуникациялар» федеральнай бырайыагынан ыытыллар бырайыак дьүүллэһилиннилэр. Бырайыагы киэңник биллэр, «Ленфильм» киинэ кырдьаҕас студиятын генеральнай директора Эдуард Пичугин билиһиннэрдэ. Кини билиңңи цифровой технология сайдыбыт үйэтигэр киинэ саалалара толорууларын, киинэ көрдөрөр сүрүн үлэлэрин таһынан ыччат эрэ буолбакка, нэһилиэнньэ таптаан сынньанар кииннэринэн буолалларын бэлиэтээтэ. «Биир ньыгыл Россия» партия «Киинэ кулууба. Культура. Үөрэхтээһин. Коммуникациялар» федеральнай бырайыагын салайааччытын быһыытынан Пичугин Новосибирскайга бу бырайыак олоххо киирбитин кэпсээн туран, регионнарга маннык бырайыактары сайыннарыы тирээн турар суолталааҕын бэлиэтээтэ.
Саха сирэ, аңардас киин куораты эрэ буолбакка, атын куораттары эмиэ хабан туран, бу бырайыагы олоххо киллэриигэ кэскиллээх регион быһыытынан көрүллэр.
«Олоңхо дойдута» Национальнай инновационнай бырайыак макетын билиһиннэрэн баран, республика культураҕа министрэ Андрей Борисов бырайыак сүрүн сыалынан саңа көлүөнэ инновационнай кластердары, культура, бизнес уонна да атын структуралар бэйэлэрин идеяларын олоххо киллэрэллэригэр сөптөөх маннык эйгэни тэрийии буоларын эттэ. Кини «Олоңхо дойдута» Национальнай инновационнай бырайыак туһунан» республика Президенин Ыйааҕын олоххо киллэриигэ былаас бары уорганнарын күүһүн түмэр кэм кэлбитигэр болҕомтону туһаайда. Бу бырайыак культура эйгэтигэр кэллэктиибинэн, кыттыгас бииргэ үлэлиир миэстэнэн буолуохтаах.
Сүбэ мунньах түмүгэр вице-спикер Ольга Макиенко Саха сиригэр Санкт-Петербург Күннэрин ыытыы чэрчитинэн маннык көрсүһүүлэр чопчу бырайыактары миэстэтигэр билсиһэр, кинилэр төһө баараҕайдарын уонна суолталаахтарын сыаналыыр кыаҕы биэрэллэрин, бырайыактар баар буолуулара общество уонна бизнес инновационнай бырайыактары өйүүргэ бэлэмнэрин көрдөрөрүн бэлиэтээтэ. Кини этэринэн, культура кыраныыссаны билиммэт, инновационнай бырайыактар норуот төрүт идеяларын кытта бииргэ хардыылыахтаахтар, онуоха сокуоннар кэм-кэрдии саңа ирдэбиллэригэр сөп түбэһэллэрэ эрэйиллэр.
Ил Түмэн пресс-сулууспата
Опубликовано: 22 октября, 2013 - 20:23
Заметили ошибку в тексте? Выделите ее и нажмите Ctrl+Enter, чтобы сообщить об этом администратору.
Спасибо!
Спасибо!