Саха Республикатын Государственнай Мунньаҕын сис кэмитиэттэрэ кулун тутар 24-25 күннэригэр “Дальнай Востогу уонна Байкал регионун түргэн тэтимнээхтик сайыннарыы ураты усулуобуйаларын туһунан” федеральнай сокуон барылын сүрүн кээмэйдэригэр публичнай дьүүллэһиилэри ыытыахтара.
1.Кулун тутар 24 күнүгэр 11.00 чаастан Ил Түмэн 425 №-дээх мунньахтыыр саалатыгарДоруобуйа харыстабылыгар, социальнай көмүскэлгэ, үлэҕэ уонна дьарыктаах буолууга, Наукаҕа, үөрэхтээһиҥҥэ, культураҕа, сонуннары киэҥник тарҕатар средстволарга уонна общественнай тэрилтэлэр дьыалаларыгар, Дьиэ кэргэн, оҕо, ыччат дьыалаларыгар, физическэй культураҕа уонна спортка сис кэмитиэттэр туһааннаах сокуон барылын социальнай хайысхатыгар кыттыгас публичнай дьүүллэһиилэри ыытыахтара.
2. Кулун тутар 25 күнүгэр 11.00 чаастан Ил Түмэн 330 №-дээх мунньахтыыр саалатыгар Государственнай тутууга уонна сокуоннаска, Бюджекка, үпкэ, нолуок уонна сыана политикатыгар,бас билиигэ уонна приватизация боппуруостарыгар, Экономическай, инвестиционнай уонна промышленнай политикаҕа, предпринимательствоҕа, туризмҥа уонна инфраструктураны сайыннарыыга итиэннэ Хонтуруолга сис кэмиттиэттэр туһааннаах сокуон барылын экономическай уонна промышленнай хайысхаларыгар кыттыгас публичнай дьүүллэһиилэри ыытыахтара.
3. Кулун тутар 25 күнүгэр 15.30 чааска Ил Түмэн 330 №-дээх мунньахтыыр саалатыгар Сир сыһыаннаһыыларыгар, айылҕа баайыгар уонна экологияҕа, Тыа сиригэр уонна аграрнай политикаҕа, Олохтоох салайыныы боппуруостарыгар, Арктика уонна аҕыйах ахсааннаах хотугу норуоттар проблемаларыгар сис кэмитиэттэр туһааннаах сокуон барылын сир аннын баайын туһаныы уонна экология хайысхаларыгар кыттыгас публичнай дьүүллэһиилэри ыытыахтара.
Ил Түмэн пресс-сулууспата
Опубликовано: 22 марта, 2014 - 22:04
Заметили ошибку в тексте? Выделите ее и нажмите Ctrl+Enter, чтобы сообщить об этом администратору.
Спасибо!
Спасибо!