Бу көрсүһүү тутаах суолтатын сыаналыыр уустук, ол эбэтэр өрөспүүбүлүкэ ыалдьыттара да, кинилэри көрсөр олохтоохтор да, бырааһынньыктааҕы тэрээһиннэри таһынан, макрорегион субъектарын икки ардыларыгар ыллыктаах кэпсэтиилэри, таһаарыылаах үлэни былааннаан тураллар. Дьокуускайга буолар көһө сылдьар мунньахтар сыаллара-соруктара – Дальнай Восток уонна Байкал регионун сайдыыларын боппуруостарыгар сокуоннары оҥорууну тупсарыы, хардарыта бииргэ үлэлээһиҥҥэ уопсай стратегияны, ону таһынан толоруулаах былаас федеральнай уорганнарыгар, Дальнай Восток уонна Байкал регионун олохтоох салайыныы уорганнарыгар сүбэлээһиннэри оҥоруу. Бу соруктары быһаарыыга, көһө сылдьар мунньах кыттыылаахтара этэллэринэн, көрсүһүүгэ улахан эрэл сүктэриллэр. Онон аэропорт саалатыгар саҥа кэлбит сокуону таһаарар мунньахтар делегацияларын чилиэннэрин сирэйдэригэр бу чугастааҕы кэмҥэ Дальнай Восток уонна Байкал регионун таарыйыахтаах дьылҕаны быһаарар уларытыылартан долгуйуу баара биллэр.

 

Өрөспүүбүлүкэҕэ бастакынан Приморскай кыраай Сокуону таһаарар Мунньаҕыттан делегация: Бэрэссэдээтэл Виктор Горчаков, бэрэссэдээтэл сүбэһиттэрэ Виктор Герасименко уонна Евгений Мещеряков, уопсастыбаннаһы кытта сибээстэргэ уонна сонуну киэҥник тарҕатар средстволарга управление үлэһиттэрэ Александр Маслянко, Евгений Бабийчук уонна суруналыыс Татьяна Причинина кэллилэр.

Иккис делегациянан Хабаровскай, Камчатка кыраайдарын, Магадан уобалаһын бэрэстэбиитэллэрэ Дьокуускайга түүн үөһэ буолуута кэллилэр. Кинилэри Ил Түмэн Бэрэссэдээтэлэ Александр Жирков, солбуйааччылара Анатолий Добрянцев, Ольга Макиенко, Виктор Губарев, ону сэргэ бырабыыталыстыба бэрэссэдээтэлин бастакы солбуйааччы Геннадий Вадюхин, о.д.а. официальнай үлэһиттэр истиҥник көрүстүлэр.

 

Ыалдьытымсах хоту сир дьонун сиэринэн саха кымыһынан уонна нуучча туустаах килиэбинэн көрүстүлэр. Спикер Александр Жирков Магадан уобалаһын Думатын Бэрэссэдээтэлэ Александр Александрову төрөөбүт күнүнэн эҕэрдэлээтэ. Иккис делегация састаабыгар 9 киһи баар: Хабаровскай кыраай Сокуону таһаарар Думатын Бэрэссэдээтэлэ Виктор Чудов, Госдума региональнай политикаҕа, Хоту сир уонна Дальнай Восток проблемаларыгар кэмитиэтин чилиэнэ Иван Абрамов, Магадан уобалаһын Думатын бэрэссэдээтэлин сүбэһитэ – судаарыстыбаннай-правовой управлениетын салайааччыта Светлана Клюшенкова, Магадан уобалаһын Хонтуруоллуур-счетнай Палаататын бэрэссэдээтэлэ Василий Соколов, Хабаровскай кыраай Сокуону таһаарар Думатын аппараатын салайааччыта Сергей Сокуренко, Хабаровскай кыраай Сокуону таһаарар Думатын аппараатын правовой управлениетын начальнига Мариана Литвинюк, Камчатка кыраайын Сокуону таһаарар Мунньаҕын Бэрэссэдээтэлин бастакы солбуйааччы Лев Бойцов, Сахалин уобалаһын Думатын судаарыстыбаннай тутууга, регламеҥҥа уонна олохтоох салайыныыга; социальнай политикаҕа уонна экономическай сайдыыга бастайааннай кэмитиэттэрин чилиэнэ Анатолий Жук.

Үһүс делегация биһиэхэ Забайкальскай кыраайтан уонна Бурятия Өрөспүүбүлүкэтиттэн көтөн кэллэ. Манна 11 киһи ортотугар Госдума энергетикаҕа кэмитиэтин бэрэссэдээтэлин солбуйааччы Сергей Левченко, Бурятия Өрөспүүбүлүкэтин Народнай Хуралын бэрэссэдээтэлэ Матвей Гершевич, Бурятия Өрөспүүбүлүкэтин экономикаҕа миниистирэ Татьяна Думнова, Бурятия Өрөспүүбүлүкэтин Народнай Хуралын бэрэссэдээтэлин сүбэһитэ Анна Богатых, Забайкальскай кыраай Сокуону таһаарар Мунньаҕын Бэрэссэдээтэлин солбуйааччы Николай Мерзликин, Забайкальскай кыраай Сокуону таһаарар Мунньаҕын оҥоруулаах күүстэр сайдыыларыгар, инфраструктураҕа уонна инновацияларга кэмитиэтин бэрэссэдээтэлин солбуйааччы Роман Щербаков, Иркутскай уобалас Сокуону таһаарар Мунньаҕын сокуону оҥорууга, судаарыстыбаннай тутууга уонна олохтоох салайыныыга кэмитиэтин бэрэссэдээтэлэ Борис Алексеев, Иркутскай уобалас Сокуону таһаарар Мунньаҕын хонтуруоллуур үлэҕэ хамыыһыйатын бэрэссэдээтэлин солбуйааччы Николай Труфанов, Иркутскай уобалас Бырабыыталыстыбатын бэрэссэдээтэлин бастакы солбуйааччы Николай Слободчиков, Иркутскай уобалас тырааныспарга миниистирэ Артур Сулейменов, Иркутскай уобалас олорор дьиэ политикатыгар уонна энергетикаҕа миниистирэ Евгений Селедцов бааллар.

 

Ыалдьыттары Ил Түмэн Бэрэссэдээтэлин батакы солбуйааччы Анатолий Добрянцев, парламент вице-спикерэ Виктор Губарев, Ил Түмэн сир сыһыаннаһыыларыгар, айылҕа ресурсаларыгар уонна экологияҕа сис кэмитиэтин бэрэссэдээтэлэ Владимир Прокопьев, Ил Түмэн аппараатын салайааччыта Юрий Кравцов көрүстүлэр.