Аэропорка Федерация Сэбиэтин Бэрэссэдээтэлин солбуйааччы уонна үлэлиир бөлөх салайааччыта Вячеслав Штырову, Федерация Сэбиэтин федеративнай тутулга, региональнай политикаҕа, олохтоох салайыныыга уонна Хоту сир дьыалаларыгар Кэмитиэтин бэрэссэдээтэлин солбуйааччы Александр Акимовы, “АЛРОСА” АК (ААО) вице-президенэ  Василий Грабцевиһы истиҥник көрүстүлэр. Ону сэргэ Дьокуускайга “Росгеология” ААО генеральнай директорын бастакы солбуйааччы Геннадий Алексеев, ФС оборонаҕа уонна куттал суох буолуутугар Кэмитиэтин чилиэнэ Баир Жамсуев, ФС аграрнай, ас-үөл политикатыгар уонна айылҕаны туһаныыга Кэмитиэтин чилиэнэ Степан Жиряков, Россия Экономическай сайдыыга министиэристибэтин Ураты экономическай зоналарга, регионнар уонна монокуораттар сайдыыларыгар бырайыактар Департаменнарын директорын солбуйааччы Евгений Катаев, РФ Президенин иһинэн норуот хаһаайыстыбатын уонна судаарыстыбаннай сулууспа Россиятааҕы академиятын Россия Хоту сирин социальнай сайдыытыгар киинин  директора Александр Матвеев, академик, РНА Дальнай Востоктааҕы салаатын бэрэссэдээтэлэ Валентин Сергиенко уонна да үгүс атын дьон кэллилэр.

 

Үрдүк ыалдьыттары үгэс быһыытынан нуучча туустаах килиэбинэн уонна саха кымыһынан Ил Түмэн Бэрэссэдээтэлэ Александр Жирков, бырабыыталыстыба бэрэссэдээтэлин бастакы солбуйааччы Генадий Вадюхин, Ил Түмэн аппараатын салайааччыта Юрий Кравцов көрүстүлэр.

Хабаровскайтан арыый эрдэ кэлбит делегацияны Ил Түмэн бэрэссэдээтэлин солбуйааччы Ольга Макиенко уонна парламент судаарыстыбаннай тутууга уонна сокуону оҥорууга сис кэмитиэтин бэрэссэдээтэлэ Алексей Еремеев көрсүбүттэрэ.

 

Хабаровскайтан кэлбит делегацияҕа ФС оборонаҕа уонна куттал суох буолуутугар Кэмитиэтин бэрэссэдээтэлэ Виктор Озеров, Амур уобалаһын Сокуону таһаарар Мунньаҕын бэрэссэдээтэлэ Константин Дьяконов, Амур уобалаһын Сокуону таһаарар Мунньаҕын депутата Александр Сарапкин, Амур уобалаһын Сокуону таһаарар Мунньаҕын аппараатын тэрийэр управлениетын начальнига Александр Василенко, Еврейскэй автономнай уобалас вице-губернатора Геннадий Антонов, Дальнай Восток сайдыытыгар министиэристибэ правовой хааччыйыыга уонна судаарыстыбаннай гражданскай сулууспаҕа, судаарыстыбаннай уонна федеральнай тус сыаллаах программаларга Департаменын директора Павел Волков, Камчатка кыраайын бастакы вице-губернатора Александр Потиевскай, ”Ростехнология” хампаанньа старшай специалиһа Антон Солохин киирбиттэрэ.

 

Саха сиригэр маннык улахан уонна кыахтаах делегациялар кэлиилэрэ Дальнай Восток дьонун олохторугар саамай үтүө сабыдыаллаах буолуоҕа, ол эбэтэр бу үбүлүөйдээх нэдиэлэҕэ сенатордар, депутаттар, регионнар баһылыктара, биир тылынан Дальнай Востокка уонна Байкал регионугар сылаас сыһыаннаах дьон дириҥник толкуйдаммыт быһаарыыларыттан, ону сэргэ сөбүлэһиилэриттэн манна олохтоох хас да көлүөнэ дьылҕата тутулуктаах.