Олунньу 17 күнүгэр Ил Түмэн Председателэ Александр Жирков “Саха Республикатыгар Арктика сирин-уотун социальнай-экономическай сайдыытын сокуон өттүнэн хааччыйыы туругун туһунан” сүбэ мунньаҕы ыытта.
Мунньахха РФ Федеральнай Мунньаҕын Федерацияҕа Сэбиэтин федеративнай тутулга, региональнай политикаҕа, олохтоох салайыныыга уонна Хоту сир дьыалаларыгар кэмитиэтин председателин солбуйааччы Александр Акимов, Ил Түмэн депутаттара, ситэриилээх былаас федеральнай уонна республикатааҕы уорганнарын салайааччылара, министерстволар уонна биэдэмистибэлэр эппиэттээх үлэһиттэрэ, научнай уонна общественнай тэрилтэлэр бэрэстэбиитэллэрэ кытыннылар.
Сүбэ мунньахха сенатор Александр Акимов РФ Федеральнай Мунньаҕын Федерацияҕа Сэбиэтэ кэнники сылларга Дальнай Восток уонна Байкал регионун сайдыытын сокуон өттүнэн өйөөһүн чэрчитинэн аҕыйах ахсааннаах хотугу норуоттар олорор Арктика сиригэр сыһыаннаан кэккэ сокуоннары ылыммытын бэлиэтээтэ. Сенатор ити ылыллыбыт сокуоннары итиэннэ быһаарыылары олоххо киллэрэр сыалтан республика Ил Түмэнэ уонна Правительствота Федерация Сэбиэтигэр Арктикаҕа уонна Антарктидаҕа Экспертнэй Сэбиэт Президиумун итиэннэ “Дальнай Восток уонна Забайкалье” Парламентскай ассоциация мунньахтарын 2015 сыл бэс ыйыгар Дьокуускай куоракка ыытар туһунан Федерация Сэбиэтин Председателэ Валентина Матвиенкоҕа этии киллэриилэрэ өйөммүтүн туһунан иһитиннэрдэ. Александр Акимов иһитиннэрбитинэн, ити былааннанар мунньахха Валентина Матвиенко тус бэйэтинэн кыттыан сөп.
“Федерация Сэбиэтигэр Арктикаҕа уонна Антарктидаҕа Экспертнэй Сэбиэт Президиумун Вячеслав Анатольевич Штыров салайыыта бары өттүнэн биһиги республикатыгар туһалаах буолуо. Экспертнэй Сэбиэт 55 киһилээх саҥа састаабыгар утумнааһын тутуһулунна. Ол курдук биллиилээх полярникпыт Артур Чилингаров Экспертнэй Сэбиэт Президиумун салайааччытын солбуйааччытын быһыытынан бу састаапка баар. Онон биһиги республикаттан 6 киһи киирдэ: биһигини таһынан, ХИФУ ректора, Ил Түмэн депутата Евгения Михайлова, СР Наукаларын академиятын президенэ Игорь Колодезников, Ил Түмэн депутата Владимир Членов бааллар. Саҥа састаапка Арктика кыһалҕаларын үчүгэйдик билэр уонна биллэр-көстөр, бас-көс дьон, Госдума депутаттара уонна Федерация Сэбиэтин сенатордара киирдилэр. Экспертнэй Сэбиэт 2015 сыллааҕы үлэтин былаана ылыллан турар. Онтон сорҕотун туһунан этэр буоллахха, Арктика зонатыттан таһаарыллыбыт республика 8 улууһун ити зонаҕа төттөрү киллэрии туһунан Россия Президенин Ыйааҕар уларытыыны киллэрэр этиини бэлэмнээһин, “РФ Арктическай зонатын туһунан” федеральнай сокуонун барылыгар үлэлээһин уо.д.а. ” – диэн Александр Акимов Федерация Сэбиэтигэр Экспертнэй Сэбиэт үлэтин инники былааннарын билиһиннэрдэ.
Сүбэ мунньахха кэпсэтии салгыы Федерация Сэбиэтигэр Арктикаҕа уонна Антарктидаҕа Экспертнэй Сэбиэт Президиумун итиэннэ “Дальнай Восток уонна Забайкалье” Парламентскай ассоциация 2015 сыл бэс ыйыгар Дьокуускай куоракка ыытыллыахтаах мунньахтарыгар ханнык боппуруостар көрүллүөхтэрин сөбүн тула барда. Александр Акимов бэлиэтииринэн, Хотугу Муустаах муора суолун, Арктика сирин сайыннарыы, хотугу норуоттар төрүт дьарыктарын чөл тутар, өбүгэ саҕаттан олорор сирдэрин-уоттарын туһанар бырааптарын харыстыыр сокуоннарга Ил Түмэн туһааннаах кэмитиэттэрин, норуот депутаттарын этиилэрэ уонна олору федеральнай таһымҥа туруулаһыыга күүскэ бииргэ үлэлээһиннэрэ эрэйиллэр. Ити бэлэмнэниэхтээх этиилэр Дальнай Восток уонна Байкал регионун, Арктика зонатын, уопсайынан Россия хотугу эргимтэтин тэтимнээхтик сайыннарыыга туһуламмыт улахан федеральнай сокуоннарга учуоттаналларын ситиһэр улахан сорук турар, тыҥааһыннаах, киирсиилээх-кимээһиннээх үлэ ирдэнэр. Ол туһугар республика киин куоратыгар бэс ыйыгар ыытыллаары турар улахан мунньахха Ил Түмэн уонна Правительство ох курдук оҥостоннор, бары өттүнэн Саха сиригэр көдьүүстээх быһаарыылары ыллартарарга бэлэмнэниэх тустаахтар.
Бу мунньахха Александр Акимов иккис боппуруоһунан “Российскай Федерация Хоту сирин, Сибиир уонна Дальнай Восток аҕыйах ахсааннаах төрүт олохтоох хотугу норуоттарын айылҕа баайын өбүгэ саҕаттан туһанар үгэс сирдэрин туһунан” 49 №-дээх федеральнай сокуоҥҥа уонна РФ онтон да атын сокуоннарыгар уларытыылары киллэрии туһунан иһитиннэрдэ. “Бу боппуруоска бары базовай сокуоннар бааллар. 2014 сыл ыам ыйын 16 күнүгэр Валентина Матвиенко уонна Вячеслав Штыров, Егор Борисов кыттыылаах үрдүк таһымнаах парламентскай истиилэргэ “Российскай Федерация Хоту сирин, Сибиир уонна Дальнай Восток аҕыйах ахсааннаах төрүт олохтоох хотугу норуоттарын айылҕа баайын өбүгэ саҕаттан туһанар үгэс сирдэрин туһунан” сокуон хайдах толорулларын ырытан көрүү дьүүллэһиллибитэ. Ити сокуон ылыллыбытын кэннэ 15 сыл ааста. Туох уларыйыы баарый? Хомойуох иһин, РФ Правительствотын өттүттэн ити сокуону толорууну нуормалыыр быраап актара ылыллыбатахтар. Ити кэм устатыгар Уу, Сир, Ойуур Кодекстара ылыллыбыттара. Ол эрээри 49 №-дээх федеральнай сокуон ити сокуоннарга утарылаһара, сөп түбэспэтэ элбэх”, -- диэн туран ити сокуоҥҥа балыктааһын, бултааһын, табаны иитии, өбүгэ саҕаттан олорор сир уо.д.а. курдук боппуруостарга государство хотугу норуоттар бырааптарын харыстыыр политиканы тутуһарын көрөр өттүн күүһүрдэр хайысхаҕа үлэлиир наадатын ыйда.
“Манна сүрүн боппуруос сир аннын баайын туһаныыга сыһыаннаах”, -- диэтэ сенатор итиэннэ Россия хотугу регионнарыгар уонна тас дойдуларга, Канадаҕа, Аляскаҕа, сир баайын хостуур предприятиелар олохтоох аҕа уустарын общиналарын, муниципальнай тэриллиилэри кытта хардарыта көдьүүстээх сыһыаннары хайдах олохтуур уопуттарын туһанан, сөптөөх механизмнары сокуоҥҥа киллэрэр сөптөөҕөр тохтоото.
Мунньах кыттыылаахтара аҕыйах ахсааннаах хотугу норуоттар бырааптарын туһунан быраап нуормалыыр базатыгар баар сокуоннар үксүлэрэ хатылаһарын, сорҕото толоруллар механизма ыйыллыбатах буолан, кумааҕыга суруллубутунан эрэ сылдьарын бэлиэтээтилэр. Холобура, депутат Александр Уаров Мэҥэ-Хаҥаласка газохимическай собуоту тутуу курдук үлэлэри ыытыы боппуруоһугар ити Экспертнэй Сэбиэт экспертиир үлэни ыытыан сөбүн, Федерация Сэбиэтэ ылыллар сокуоннар олоххо хайдах туһаныллалларын төһө хонтуруолга тутарын, Арктикаҕа бүттүүнүгэр сыһыаннаах уонна аҕыйах ахсааннаах хотугу норуоттар бырааптара араас сокуоннарга тус туһунан бытанан, хатылаһа сылдьыыларын бэрээдэктээн, биир үчүгэй үлэлиир сокуоҥҥа, Кодекс курдук, тиһэн киллэрэр сөптөөх буолуоҕун туһунан тус санаатын эттэ. Сүбэ мунньахха хаһаайыстабаннай үлэнэн дьарыктанар аҕа уустарын общиналарыгар нолуокка, онтон атын өттүгэр чэпчэтиилэри көрөр сокуоннарга, “Сир аннын туһунан” федеральнай сокуоҥҥа эбиилэри уонна уларытыылары киллэрэр наадатын туһунан этии иһилиннэ.
Вице-спикер Виктор Губарев Арктика сирин-уотун социальнай-экономическай сайдыытын туһунан сокуоҥҥа Ил Түмэн туох этиилэрдээҕин туһунан иһитиннэриитигэр ити сокуоҥҥа Ил Түмэнтэн барыта 50 этии оҥоһуллан бэлэмин бэлиэтээтэ. Вице-спикер этэринэн, Россия хотугу регионнарыгар тас дойдулартан кэлэн үлэлээччилэри сүрүннүүр сокуон барылын, Арктикаҕа Россия кыраныыссатын боппуруоһугар сыһыаннаах сокуону оҥорууга, Арктиканы фундаментальнай наука өттүттэн чинчийиигэ, Уһук Хоту оройуоннарга олорооччуларга государство мэктиэлэрин уонна толуйуутун боппуруостарын хат сөргүтэн күүскэ туруорсууга, Хотугу Муустаах муора суолун боппуруоһугар уу транспорын, суолун эрэ туһунан буолбакка, муора кытылынааҕы сирдэри сайыннарыы кытта киирэригэр сокуон базатын бэлэмнээн ылларыыга күүһү түмэн бииргэ үлэлиир көдьүүстээх буолуо. “Биһиги сүрүн этиилэрбитин түмтүбүт, эһиэхэ ону тиксэриэхпит. Түмүк маннык: Арктика элбэх сүрүн проблемаларын быһаарар туһугар Арктика сирин салайыы итиэннэ оҥоһуллар сокуон уонна быраап базатын методологиятын уларыта тутар наада. Биирдиилээн сокуон буолбакка, сокуоннар тиһиктэрэ, Арктика Кодекса наада”, -- диэн Виктор Губарев тыл этиитин түмүктээтэ.
Ил Түмэн аҕыйах ахсааннаах төрүт олохтоох хотугу норуоттар уонна Арктика дьыалаларыгар сис кэмитиэтин председателэ Елена Голомарева республикаҕа аҕыйах ахсааннаах төрүт олохтоох хотугу норуоттар бырааптарын көрөр 21 сокуоннара хайдах үлэлииллэрин туһунан иһитиннэрдэ. Сис кэмитиэт председателэ кэнники үс-түөрт сылга дьүүллэһиллэ сылдьар, ылылла илик сокуоннар барылларыгар болҕомтону туһаайда. Ол курдук хотугу норуоттар балыктааһын, бултааһын, табаны иитии уо.д.а. курдук, төрүт дьарыктарынан үлэлээн олорууларыгар тирэх буолар сокуоннары бэлэмнээһиҥҥэ, чуолаан, балыктааһын туһунан боппуруоска ыытыллыбыт парламентскай истии түмүктэрэ Федерация Сэбиэтигэр ыытыллыбытын, “Ордук аҕыйах ахсааннаах төрүт олохтоох хотугу норуоттара өбүгэ саҕаттан туһанар үгэс сирдэрин боппуруоһа 2013 сыллаахха “Ураты харыстанар сирдэр тустарынан” федеральнай сокуонтан таһаарыллыбытын кэннэ бу балтараа сыл иһигэр биһиги субъектар таһымнарыгар туруорсуллар боппуруостарга хоруйу биэрэр дьоһун докумуоннанныбыт. Ити барыл кэмитиэккэ үстэ дьүүллэһиллибитэ, бастакы ааҕыыны ааста, сөптөөх көннөрүүлэр балачча киирдилэр. Бу сокуон ылылыннаҕына, федеральнай төрүт сокуон ылыллыытыгар көмөлөөх буолуо”, -- диэн туран, сис кэмитиэт председателэ “Табаны иитии туһунан” сокуон 7 ыстатыйатыгар уопсай тыл булулла илигэр тохтоото. Итиннэ табаһыт хамнаһын 20 тыһыынчаҕа тиэрдии боппуруоһугар үбүлээһини көрүүгэ чуолкай быһаарыы өссө да ситиһиллэ илигэ ыйылынна. Елена Голомарева салгыы этнологическай экспертиза туһунан сокуон олоххо киириитин, промышленнай предприятиелар уонна общиналар, муниципальнай тэриллиилэр икки ардыларыгар дуогабардары түһэрсиигэ баар итэҕэстэри туоратыы, таба ыстаадатыгар эдэр кадрдары үлэлэтии усулуобуйаларын тупсарыы, табаһыт дьиэ кэргэн, көс дьиэ кэргэн уонна ыал буолуу эйгэлэригэр баар сытыы боппуруостарга болҕомтону туһаайда.
Кэпсэтиилэргэ СР Наукаларын академиятын үлэһитэ Надежда Попова төрүт дьарыктарынан үлэлээн олорор хотугу норуоттарга пенсия, нолуокка чэпчэтиилэр боппуруостарыгар туһааннаах кэмитиэккэ этиилэри киллэрдэ. СР Аҕыйах ахсааннаах төрүт олохтоох хотугу норуоттар ассоциацияларын председателэ Андрей Кривошапкин, СР АПК үлэһиттэрин идэлээх союзтарын председателэ Борис Николаев кытыннылар.
Александр Акимов түмүккэ “Российскай Федерация Хоту сирин, Сибиир уонна Дальнай Восток аҕыйах ахсааннаах төрүт олохтоох хотугу норуоттарын айылҕа баайын өбүгэ саҕаттан туһанар үгэс сирдэрин туһунан” сокуоҥҥа уонна РФ онтон да атын сокуоннарыгар уларытыылары киллэрии туһунан сокуон барылын үчүгэйдик көрөн-истэн, көхтөөхтүк ырытан, онтон атын да бу эйгэҕэ сыһыаннаах сокуоннарга Ил Түмэн этиилэрин кичэйэн бэлэмнииригэр сүбэлээтэ.
Ил Түмэн спикерэ Александр Жирков Россияҕа да, субъектарга да хоту сир дьыалаларынан дьарыктанар анал государственнай структура суоҕун быһыытынан бу эйгэҕэ сокуоннар барыллара ылыллыыта судургута суоҕун бэлиэтээтэ. “Вячеслав Штыров салайар үгүс боломуочуйалаах Экспертнэй Сэбиэтин үлэтиттэн элбэҕи эрэйэбит. Ол да иһин Дьокуускайга атын субъектары ыҥыран тураммыт республика интэриэһин туруулаһыыга болҕомтону туһаайар сыалтан бүгүн мустан мунньахтыыбыт”, -- диэн туран, бу Сэбиэт үлэтигэр субъектар бэйэлэрин этиилэрин киллэрбэт буоллахтарына, үлэлииригэр уустук буолуоҕун бэлиэтээтэ. “Федерация Сэбиэтигэр Арктикаҕа уонна Антарктидаҕа Экспертнэй Сэбиэт көрөр дойду байыаннай өттүнэн көмүскэллээх буолуутун, промышленность, геология уо.д.а. курдук, стратегическай суолталаах боппуруостарын ортотугар аҕыйах ахсааннаах төрүт олохтоох хотугу норуоттар боппуруостара олох кыра миэстэни ылар. Онно 2020 сылга диэри Арктика сайдыытын программатыгар аҕыйах ахсааннаах төрүт олохтоох хотугу норуоттар проблемаларын туһунан кыра да буоллар, киһи хараҕар быраҕыллар бэлиэтээһин баар. Дьэ, итилэри учуоттуох, итинтэн саҕалыах тустаахпыт”, -- диэтэ Александр Жирков.
Спикер салгыы хотугу норуоттарга сыһыаннаах араас сылларга ылыллыбыт федеральнай сокуоннар Бюджет, Нолуок, Сир уо.д.а. Кодекстарын кытта утарсар түгэннэрэ балачча элбэҕин, бу өттүгэр сааһылыыр, бэрээдэктиир, биир тиһиккэ киллэрэр үгүс үлэ күүтэрин бэлиэтээтэ. Республика араас сылларга ылыммыт сокуоннарыгар балаһыанньа итиниэхэ маарынныыр. Александр Жирков хотугу норуоттар бырааптарын көрөр сокуоннарга сааһылыыр, бэрээдэктиир үлэни ыытан, ити сокуоннар тиһиктэрин оҥоруу, ханнык сокуоннары ылыныыга инники күөҥҥэ сылдьарбытын биитэр хойутаан эрэрбитин көрүнүү наадатын ыйан, туһааннаах кэмитиэттэргэ уталыппакка үлэни ыыталларыгар сорудахтары биэрдэ.
Республикаҕа Арктика сирин-уотун социальнай-экономическай сайдыытын сокуон өттүнэн хааччыйыы туруга хайдаҕын дьүүллэһэр, ити эйгэҕэ ылыллыбыт сокуоннары итиэннэ быһаарыылары олоххо киллэрэр сыалтан республика Ил Түмэнэ уонна Правительствота Федерация Сэбиэтигэр Арктикаҕа уонна Антарктидаҕа Экспертнэй Сэбиэт Президиумун итиэннэ “Дальнай Восток уонна Забайкалье” Парламентскай ассоциация мунньахтарын 2015 сыл бэс ыйыгар Дьокуускай куоракка ыытыыны бэлэмниир сүбэ мунньах кыттыылаахтара ити бары боппуруостарга туһааннаах боротокуолу ылыннылар.
Ил Түмэн пресс-сулууспата
17 февраля 2015 года в Ил Тумэне состоялось рабочее совещание народных депутатов республики Саха (Якутия), руководителей органов исполнительной власти и общественных организаций Республики Саха (Якутия) на тему «О состоянии законодательного обеспечения социально-экономического развития Арктических территорий Республики Саха (Якутия)».
В мероприятии приняли участие заместитель председателя Комитета Совета Федерации по федеративному устройству, региональной политике, местному самоуправлению и делам Севера Александр Акимов, народные депутаты республики, руководители и ответственные работники органов исполнительной власти, ведомств и представители общественных организаций и научных учреждений Республики Саха (Якутия).
С информацией о подготовке к проведению выездного заседания Экспертного совета по Арктике и Антарктиде при Совете Федерации Федерального Собрания РФ выступил сенатор Александр Акимов. Он рассказал, что Совет Федерации проводит большую работу по нормативно-правовому обеспечению развития Арктической зоны. Активную работу также проводит Экспертный совет по Арктике и Антарктике при Совете Федерации. Сенатор сообщил, что председателем данного Экспертного совета при Совете Федерации назначен Вячеслав Штыров. Совет создан в целях совершенствования законодательства Российской Федерации в сфере реализации государственной политики и обеспечения национальных интересов России в Арктике и Антарктике. В его состав вошли 55 членов, шестеро из них – из Якутии. Это сенаторы Вячеслав Штыров, Артур Чилингаров, Александр Акимов, народный депутат республики, ректор Северо-Восточного федерального университета имени М.К. Аммосова Евгения Михайлова, президент Академии наук Республики Саха (Якутия) Игорь Колодезников, народный депутат республики Владимир Членов. Утверждён план работы Экспертного совета на 2015 год. Так, согласно плану, Совет должен определить предмет законодательного регулирования и рассмотрения вопроса о совершенствовании состава Арктической зоны Российской Федерации. Александр Акимов напомнил, что в состав Арктической зоны России вошли пять северных улусов республики вместо тринадцати.
По словам сенатора, проведение выездного заседания Экспертного совета запланировано на июнь 2015 года. На заседании планируется рассмотреть вопросы развития Северного морского пути, а также социально-экономического развития регионов, входящих в состав арктических территорий, и мест компактного проживания коренных малочисленных народов Севера Якутии.
Председатель Контрольного комитета Александр Уаров поинтересовался, проводит ли Экспертный совет по Арктике и Антарктиде при Совете Федерации Федерального Собрания РФ экспертные мероприятия по намечаемому строительству газохимических заводов по производству метанола, карбамида и сжиженного природного газа около Нижнего Бестяха Мегино-Кангаласского улуса. Александр Акимов согласился с тем, что по данному строительству обязательно нужно провести экологический мониторинг и общественные слушания. Однако Экспертный совет при Совете Федерации контролирует не территории опережающего развития, а другие крупные проекты, реализуемые в арктических территориях.
Далее Александр Акимов рассказал о проекте федерального закона «О внесении изменений в Федеральный закон «О территориях традиционного природопользования коренных малочисленных народов Севера, Сибири и Дальнего Востока Российской Федерации» и отдельные законодательные акты Российской Федерации», который устанавливает правовые основы образования, использования и охраны территорий традиционного природопользования коренных малочисленных народов Севера, Сибири и Дальнего Востока РФ в целях защиты исконной среды обитания, традиционного образа их жизни и осуществления ими на этих территориях традиционного природопользования.
Сенатор вкратце рассказал об истории появления данного проекта федерального закона. Проект федерального закона был рассмотрен на парламентских слушаниях на тему «О проблемах и перспективах совершенствования федерального законодательства о территориях традиционного природопользования коренных малочисленных народов Севера, Сибири и Дальнего Востока Российской Федерации», организованных Советом Федерации 15 мая 2014 года, в котором приняли участие председатель верхней палаты парламента России Валентина Матвиенко, сенатор Вячеслав Штыров, глава Якутии Егор Борисов.
«Федеральный закон «О территориях традиционного природопользования коренных малочисленных народов Севера, Сибири и Дальнего Востока Российской Федерации», принятый в 2001 году, до сих пор не работает», - сказал Александр Акимов и выразил уверенность, что принятие изменений к нему будет способствовать повышению качества жизни коренных малочисленных народов, улучшит условия труда и проживания. По словам сенатора, сложности и проблемы во взаимоотношениях родовых общин с промышленными предприятиями-недропользователями и рыболовецкими предприятиями существуют почти во всех арктических и северных регионах. «Лучше всего положение в Ханты-Мансийском и Ямало-Ненецком автономных округах», - сказал он. К примеру, в ХМАО образовано и работают более 400 территорий традиционного природопользования (ТТП).
Александр Акимов обратился с предложением внимательно изучить проект федерального закона и внести поправки и предложения.
Подводя итоги рабочего совещания народных депутатов республики Саха (Якутия), руководителей органов исполнительной власти и общественных организаций Республики Саха (Якутия) на тему «О состоянии законодательного обеспечения социально-экономического развития Арктических территорий Республики Саха (Якутия)», спикер якутского парламента Александр Жирков отметил, что на федеральном уровне отсутствует исполнительный орган государственной власти, который бы курировал вопросы коренных малочисленных народов Севера, Сибири и Дальнего Востока.
«Такого органа государственной власти нет и в большинстве субъектов Российской Федерации»,- сказал Александр Жирков и отметил, что наличие в Якутии исполнительного органа – Государственного комитета Якутии по делам Арктики, и структуры представительного органа власти – постоянного комитета Ил Тумэна по вопросам коренных малочисленных народов и делам Арктики, – это, скорее, исключение из общего правила. Председатель Ил Тумэна отметил, что парламент республики возлагает надежды на Экспертный совет по Арктике и Антарктике при Совете Федерации в содействии в продвижении законопроектов, касающихся развития арктических территорий Российской Федерации.
Он указал на важность активного участия субъектов Федерации в деятельности Экспертного совета. «Если субъекты не будут поддерживать работу этого Экспертного совета, если они не будут подпитывать его своими предложениями и идеями, то работать общественному объединению Совета Федерации будет сложно», - сказал он. Также Александр Жирков отметил, что данный Совет рассматривает не только вопросы развития коренных малочисленных народов, но и широкий круг других вопросов. «Совет по Арктике и Антарктике рассматривает вопросы обороны, промышленного освоения, геологоразведки и другие стратегические вопросы, предусмотренные программой развития арктических территорий до 2020 года.
Спикер якутского парламента отметил, что федеральные законы, регулирующие вопросы арктических территорий России, были приняты в разные годы, и сейчас нуждаются в доработке. «Некоторые положения действующих федеральных законах вступают в противоречия с положениями Бюджетного, Земельного, Налогового кодексов Российской Федерации, с другими федеральными законами», - сказал Александр Жирков, указав на необходимость совершенствования и упорядочивания федерального законодательства в данной сфере. По словам спикера, ряд статей республиканских законов также нуждается в совершенствовании и приведении в соответствие федеральным законам. В этой связи председатель Государственного Собрания (Ил Тумэн) поручил систематизировать республиканские законы, касающиеся защиты прав коренных малочисленных народов Севера Якутии.
Пресс-служба Ил Тумэна
Опубликовано: 17 февраля, 2015 - 23:21
Заметили ошибку в тексте? Выделите ее и нажмите Ctrl+Enter, чтобы сообщить об этом администратору.
Спасибо!
Спасибо!