26 июня 2022 года, 04:11 (UTC+9:00) t в Якутске: 14 (03:00)

Виталий Басыгысов: Дьиҥнээх билиини ыларга, өй-санаа баайыгар дьулуһуох тустааххыт

Саха Республикатын Государственнай Мунньа±ын (Ил Түмэн) бэрэссэдээтэлэ Виталий Басыгысов Мииринэйдээҕи политехническай институт (ХИФУ филиала) устудьуоннарын уонна преподавателлэрин кытта көрсүһүүтэ олус интэриэһинэйдик ааста.
 
Парламент бэрэссэдээтэлин кытта көрсүһүүгэ устудьуоннар, преподавателлэр, Дьокуускайтан ХИФУ бэрэстэбиитэллэрэ, Мииринэй оройуонун администрациятын үлэһиттэрэ кэлбиттэр.
 
Виталий Басыгысов көрсүһүү кыттыылаахтарыгар өрөспүүбүлүкэ бастакы президенэ Михаил Николаев кинини Мииринэй администрациятын баһылыгынан анаабыт 90-с сылларыгар куорат хайдах туруктааҕын, бу дуоһунаска бастакы хардыыларын туһунан кэпсээтэ.
 
«Мин бэйэм коллегаларбын мунньан баран, Мииринэй оробуочай солобуоданан эрэ буолбакка, дьиҥнээх куоратынан буоларын туһугар бастакы уочарат тугу оҥоруохха сөбүй диэн толкуйдаабыппыт. Манна университет, театр, сынньалаҥ паарката, культура дыбарыаһа баар буолуохтаахтар диэн быһаарбыппыт. Бүгүн Мииринэйгэ ити барыта баар. Эһиги аныгы кырасыабай куоракка олороҕут, үөрэнэҕит, хаачыстыбалаах үөрэҕи ыларга бары усулуобуйа толору баар», - диэтэ парламент бэрэссэдээтэлэ.
 
Устудьуоннарга туһаайан, Виталий Басыгысов бүгүн өрөспүүбүлүкэ хаһааҥҥытааҕар даҕаны техническэй үөрэхтээх специалистарга наадыйарын бэлиэтээтэ. Өрөспүүбүлүкэҕэ дьиҥнээх индустриализация тэнитиллиэхтээх уруттаан сайдыы зоналара быһаарылыннылар: «Киин Саха сирэ», «Соҕурууҥҥу Саха сирэ», «Арҕааҥҥы Саха сирэ», «Хотугулуу илиҥҥи Саха сирэ», чуолаан Ленскэй, Өлүөхүмэ, бөһүөлэктэр – Хаандыга, Уус-Ньара, Томмот, Витим, Аллараа Бэстээх.
 
Виталий Басыгысов Саха сиригэр үлэлиир бөдөҥ корпорациялар кэнники кэмҥэ вахта ньыматынан специалистары тардыы көдьүүһэ суоҕун өйдөөбүттэрин туһунан иһитиннэрдэ. Холобур, Ленскэйгэ уонна Мииринэйгэ хампаанньаларга үлэ миэстэлэрин аҥаара олохтоох кадрдарга бэриллибит. Онон өрөспүүбүлүкэ ыччата промышленноска көхтөөхтүк киирэригэр үтүө балаһыанньа үөскээбит.
 
«Ол эрээри бүгүн кэм-кэрдии уларыйда. Дипломнаах буолуу барыны быһаарбат. Күрэстэһии улаатар. Дьиҥнээх билиини ылыыга, өй-санаа баайыгар дьулуһуохха наада. Маныаха эһиги манна үөрэниигит сүрүн сыала сытар. Духуобунай сайдыы – бэйэни сайыннарыыга бастайааннай үлэ. Биһиги кэммитигэр «Киһини үлэ киэргэтэр» дииллэрэ. Чахчы оннук. Киһи оҕо сааһыттан үлэҕэ сыстаҕас, бэйэтин эбээһинэстэрин билэр уонна олорго толору эппиэтинэстээх буоллаҕына, тугу эмэ ситиһиэн сөп. Бэйэҕит дьиэҕитин, сиргитин-уоккутун, куораккытын, Ийэ дойдугутун таптааҥ. Манна, төрөөбүт түөлбэбитигэр, ханнык баҕарар ыарахаттарга туруулаһарбытыгар көмөлөһөр уонна инникитин да көмөлөһүөхтээх күүс биһиэхэ бэриллибитэ. Өрүү бииргэ буолуҥ, бэйэҕит өрөспүүбүлүкэҕит, дойдугут уйгутун туһугар барыны түмсэн оҥоро сатааҥ», - диэн эбэн эттэ Виталий Басыгысов.
 
«Ил Тµмэн» ха´ыат

Опубликовано: 4 апреля, 2012 - 07:40
^ Наверх ^
X
Ошибка в тексте:
Сообщить об ошибке администратору? Ваш браузер останется на той же странице