Саха Өрөспүүбүлүкэтин народнай депутата, Судаарыстыбаннай Мунньах (Ил Түмэн) вице-спикерэ Александр Жирков бэс ыйын 14 күнүгэр Саха сирин агропрофилированнай оскуолаларын холбоһугун сүбэтин мунньаҕын ыытыаҕа.
 
Мунньах кыттыылаахтара агропрофилированнай оскуолалар 2011-2012 үөрэх дьылынааҕы үп-харчы, хаґаайыстыба өттүгэр үлэлэрин түмүктэрин дьүүллэһиэхтэрэ уонна 2012-2013 үөрэх дьылынааҕы былааннары көрүөхтэрэ.
 
ТэрээґиІІэ Ил Түмэн бүддьүөккэ, үпкэ, түһээн уонна сыана политикатыгар, бас билии уонна приватизация боппуруостарыгар кэмитиэтин бэрэссэдээтэлэ Александр Уаров, үөрэх миниистирин солбуйааччы Евдокия Никифорова, Саха сирин агрооскуолаларын холбоһугун толорооччу дириэктэрэ Николай Жирков о.д.а. кыттыахтара.
 
Саха сирин агропрофилированнай оскуолаларын холбоһуктарыгар 40-тан тахса уопсай үөрэх оскуолалара киирэллэр. Агропрофилированнай оскуолалар оҕолорго оҕуруот аһын үүннэриигэ, сири туһаныыга, сүөһүнү иитиигэ сүрүн тустаах билиини биэрэллэр уонна тыа хаһаайыстыбатын ити салааларыгар үлэлиир үөрүйэхтээх буолалларыгар уһуйаллар, тракторист уонна механизатор идэтигэр үөрэтэллэр. Агрооскуола бүгүн инновационнай үөрэх тэрилтэтинэн буолар. Бу оскуола оҕолорго тыа сиригэр наадалаах идэни талыыга, онуоха наадалаах үөрүйэхтэри баһылыырга кыаҕы биэрэр инниттэн педагогтар уонна производственниктар, үрдүк уонна орто анал үөрэх, наука тэрилтэлэрин кыахтарын-күүстэрин түмэр тэрилтэнэн буолар.
 
Ил Түмэн пресс-сулууспата