Биллэрин курдук, Ленскэй улууһун Орто-Наахара нэһилиэгин кыраныыссатын туһунан боппуруос көтөҕүллүбүтэ уонча сыл буолла.
Бэс ыйын 28 күнүгэр буолбут Ил Түмэн уочараттаах пленарнай мунньаҕар депутаттар Саха Республикатын муниципальнай тэриллиилэрин кыраныыссаларын олохтооһун уонна куораттааҕы итиэннэ тыа сиринээҕи сэлиэнньэ статуһун биэрии туһунан сокуоҥҥа уларытыылары киллэрэр туһунан сокуон барылын бастакы ааҕыыга ылыннылар.
Ити боппуруос быһаарыллыбакка, олохтоохтор улаханнык эрэйдэннилэр. «Орто Наахара нэһилиэгэ» муниципальнай тэриллии баһылыга Владимир Бурцев нэһилиэк ылар иэнэ 12684,95 тыһ. кв. км. буоларыгар нэһилиэнньэ сөбүлэһэрин туһунан иһитиннэрдэ.
Депутаттар Зоя Корнилова уонна Михаил Филиппов нэһилиэк сирэ-уота аччыырыгар сөбүлэспэттэрин биллэрдилэр.
Орто-Наахара нэһилиэгэ быйыл үбүлүөйдээх сыла эбит. Үбүлүөйдээх сылларын орто-наахаралар сирдээх-уоттаах көрсөллөрө үөрүүлээх буоллаҕа.
«Ил Түмэн» хаһыат
Спасибо!