16 августа 2020 года, 00:39 (UTC+9:00) t в Якутске: 6 (03:00)

Александр Жирков норуот маастардарын «Туос тойуга» быыстапкатыгар

Ил Түмэн вице-спикерэ Александр Жирков кулун тутар 27 күнүгэр Уус-Алдан улууһун норуот маастардарын «Туос тойуга» диэн быыстапка үөрүүлээх аһыллыытыгар кытынна.
 
Александр Жирков биир дойдулаахтарыгар эҕэрдэ тыл этэригэр төрүт аҕыйах сыллааҕыта туоһунан оҥоһуктары оҥорон дьарыктаныы биллэр-биллибэттик көстөр буоллаҕына, билигин Уус-Алдан улууһун көмүс тарбахтаахтарын оҥоһуктара бэйэлэрин төрөөбүт түөлбэлэрин тэлэһийэн, саха сирин аатырда киэҥ эйгэҕэ тахсыбытын бэлиэтээн туран, онно Мандар Уус үтүөтүн, кини бастаан тыл көтөхпүтүн, туостан оҥоһууну республика үрдүнэн сөргүппүтүн санатта.
 
«Оҕо эрдэҕиттэн туос ис кистэлэҥин билэр, өбүгэлэритттэн тиксибит дьоҕурун өйүгэр-санаатыгар, этигэр-хааныгар иҥэрэн илдьэ сылдьар саха киһитэ бу көҕүлээһини үөрэ-көтө, күргүөмнээхтик өйөөн, саха төрүт культуратын биир дьикти кэрэ, үтүө көрүҥэ буоларын илэ көрдөрдө. Туос тойуга хомус дьүрүһүйүүтүн тэҥэ саха дьонун, саха сирин аатырда иһилиннэ, тилиннэ», диэн бэлиэтээн баран, Ил Түмэн вице-спикерэ хаһан эрэ Мандар Уус баҕа санаата туолуо, Саха сирин киинигэр, Дьокуускайга, саха уустара Моҕол Ураһа дьиэтин дьэндэтиэхтэрэ диэн эрэл санаатын эттэ. Түмүгэр, Александр Жирков аатырбыт ытык туос уустарыгар Ил Түмэн Бочуоттаах Грамоталарын туттарда.    
 
 
«Туос тойуга» быыстапка Дьокуускайга, А.Е.Кулаковскай аатынан Норуоттар доҕордоһууларын киинигэр ыытылынна. Бу үөрүүлээх түгэнинэн Уус-Алдан улууһун баһылыгын солбуйааччыта Лена Заболоцкая, улуус культураҕа управлениятын начальнига Борис Заровняев, А.Е.Кулаковскай аатынан Норуоттар доҕордоһууларын киинин дириэктэрэ Яна Игнатьева, Дьиэ-кэргэн политикатыгар республикатааҕы Департамент салалтатын аатыттан Антонина Сивцева эҕэрдэ тылы эттилэр уонна норуот маастардарыгар Уус-Алдан улууһун баһылыгын Махтал Суруктарын, Саха Республикатын үлэҕэ уонна социальнай сайдыыга, культураҕа уонна духуобунаска, үлэҕэ уонна социальнай сайдыыга министиэристибэлэр Бочуоттаах Грамоталарын, онтон да атын наҕараадалары туттардылар.
 
Ил Түмэн пресс-сулууспата
Опубликовано: 28 марта, 2013 - 16:44
Заметили ошибку в тексте? Выделите ее и нажмите Ctrl+Enter, чтобы сообщить об этом администратору.
Спасибо!
^ Наверх ^
X
Ошибка в тексте:
Сообщить об ошибке администратору? Ваш браузер останется на той же странице