Муус устар 8-10 күннэригэр Виталий Басыгысов, Дмитрий Горохов уонна Сергей Сюльскай Орто Халыма улууһун салалтатын, олохтоохторун кытта көрүстүлэр. 

 

Муус устар 8 күнүгэр Орто Халыма киин куоратыгар улуус баһылыга Евгений Слепцов, улуус мунньаҕын бэрэссэдээтэлэ Пантелеймон Сыроватскай, тэрилтэлэр салайааччылара, улуус мунньаҕын уонна нэһилиэк депутааттара, общественнай тэрилтэлэр бэрэстэбиитэллэрэ кыттыылаах мунньах тэрилиннэ.

 

Ил Түмэн Государственнай Мунньаҕын бэрэссэдээтэлэ Виталий Басыгысов соторутааҕыта Дмитрий Медведев Саха сиригэр кэлэ сылдьан Дальнай Восток уонна Байкал регионнарын социальнай-экономическай сайдыыларын государственнай бырагыраамматын дьүүллэһии хайдах ааспытын кэпсээтэ. Бу бырагыраамма сүрүннээн Дальнай Востокка транспорт тиһигин сайыннарыыга туһуламмытын эттэ. Маны сэргэ, буолаары турар быыбардарга тохтоон ылла. Кылгас иһитиннэрии кэнниттэн депутаттар нэһилиэнньэни кэпсэтиигэ ыҥырдылар. Дьон санаатын истэн, мунаарар ыйытыыларыгар эппиэттээтилэр.

 

Виталий Басыгысов салайааччылаах Ил Түмэн депутаттара Орто Халыма культуура дьиэтигэр, оҕо садыгар уонна үөрэх тэрилтэлэригэр сырыттылар.

 

Олохтоохтор маннык көрсүһүүлэртэн астыналларын биллэрдилэр. Элбэх мунаарар боппуруостарыгар туһааннаах эппиэттэри ыллылар.

 

Салгыы депутаттар муус устар 10 кунугэр Халыма улууһун Налимскай нэьилиэгэр сырыттылар.

 

Орто Халымаҕа буолбут мунньахха элбэх киһи кыттыыны ылла, кэпсэтии бэрт сэргэхтик барда. Дьон – сэргэ мунньахха активнайдык, бэйэлэрин санааларын аһаҕастык этиллэр – тыыннылар.