Сэбиэттэр бастакы Бүттүүн Саха сиринээҕи сийиэстэрин 95 сылын бэлиэтиир күнү көрсө "Кэнтик нэһилиэгэ" МТ Баһылыга Валерий Николаев уонна саҥа талыллыбыт састааптаах нэһилиэк депутаттарын Сэбиэтэ “Ил Түмэн” хаһыаты суруттарыҥ!”диэн ыҥырыы эстафетатыгар кыттыстылар.
Үөһээ Бүлүү улууһун "Кэнтик нэһилиэгэ" МТ баһылыга, нэһилиэк депутаттарын сэбиэтин бэрэссэдээтэлэ Валерий Николаев:
— Быһаарыы ылынан баран, “Ил Түмэн” хаһыаппытын өйүөххэ диэн санааҕа кэллибит. Арассыыйа, өрөспүүбүлүкэ сокуону оҥорор эйгэтигэр туох уларыйыылар киирэллэрин туһунан үчүгэйдик билэр сыалтан, үлэбитигэр көмөлөөҕүн өйдөөн туран саҥа талыллыбыт састааптаах нэһилиэк депутаттарын Сэбиэтэ хаһыат нөҥүө Саха сирин бары олохтоохторун “Ил Түмэн” хаһыаты суруталларыгар ыҥырар.
"Туохха да тойон — норуот, норуот! Норуоттан тутуһуҥ, норуокка туһалааҥ!" — диэн ыҥырыылаах хаһыат нөҥүө кырдьыктаах санаабытын этиниэҕиҥ, этиилэрбитин туруорсуоҕуҥ уонна олоххо килэриэҕиҥ. “Ил Түмэн” парламент хаһыатыгар суруттарыҥ!
_____________________________________________________
Парламент хаһыатын редакцията “Үтүө санаалаах сурутуу” акциятын салгыы ыытар, ол чэрчитинэн хас биирдии сурутуон баҕалаах киһи Дьокуускай куорат уонна өрөспүүбүлүкэ оройуоннарын социальнай тэрилтэлэригэр “Ил Түмэн” хаһыакка сурутууну бэлэхтиэн сөп.
Сыл аҥаарыгар редакциятааҕы сурутуу сыаната — 600 солкуобай,
биир сылга — 1200 солкуобай.
Акцияҕа кыттар баҕалаах дьону Издательскай дьиэ уопсастыбаны кытта сибээстэргэ отделыгар маннык төлөпүөннэринэн сибээстэһэргитигэр көрдөһөбүт: 8(4112) 402-210; 89245961349.
Опубликовано: 20 декабря, 2017 - 15:02
Заметили ошибку в тексте? Выделите ее и нажмите Ctrl+Enter, чтобы сообщить об этом администратору.
Спасибо!
Спасибо!