Ил Түмэн  депутаттара муус устар 2 күнүгэр Дьокуускай куоракка Нам улууһун Күннэрин чэрчитинэн улуус мунньаҕын депутаттарын кытта көрүстүлэр.
 
Көрсүһүүгэ парламент спикерин бастакы солбуйааччы Анатолий Добрянцев, спикери солбуйааччы Виктор Губарев, государственнай тутууга уонна сокуоннаска сис кэмитиэт председателэ, Намтан депутат Алексей Еремеев,  бюджекка, үпкэ, нолуок уонна сыана политикатыгар, бас билии уонна приватизация боппуруостарыгар сис кэмитиэт председателэ Юрий Николаев, экономическай, инвестиционнай уонна промышленнай политикаҕа, предпринимательствоны, туризмы уонна инфраструктураны сайыннарыыга сис кэмитиэт председателэ Виктор Федоров,  дыытыгартыа сиригэр уонна аграрнай политикаҕа сис кэмитиэт председателэ Дмитрий Саввин, доруобуйа харыстабылыгар, социальнай көмүскэлгэ, үлэҕэ уонна дьарыктаах буолууга сис кэмитиэт председателэ Александр Корякин, дьиэ кэргэн, оҕо, ыччат дьыалаларыгар, физкультураҕа уонна спорка сис кэмитиэт председателэ Юрий Баишев,  аҕыйах ахсааннаах төрүт олохтоох хотугу норуоттар боппуруостарыгар уонна Арктика дьыалаларыгар сис кэмитиэт председателэ Елена Голомарева, мандаат уонна регламент хамыыһыйатын   председателэ Марфа Филиппова кытыннылар. Улуус депутаттарын делегациятын улуус баһылыга Анатолий Атласов уонна улуус мунньаҕын председателэ Иван Попов салайан илдьэ кэллилэр.
 
Көрсүһүү саҕаланыытыгар Алексей Еремеев Дьокуускайга муус устар 1-2 күннэригэр Нам улууһун Күннэрэ бара туралларын, манан сибээстээн Ил Түмэн депутаттара Нам улууһун депутаттарын кытта аан бастаан көрсөллөрүн, парламент бэьис ыҥырыытыгар бу курдук көрсүһүүлэр, уопуту атастаһыы утумнаахтык ыытылларын бэлиэтээтэ. Кини салайар сис кэмитиэтин үлэтин билиһиннэрэригэр  Российскай Федерация уонна Саха Республикатын Конституцияларынан сиэттэрэн үлэлииллэригэр тохтоон, сиһилии быһааран кэпсээтэ. Алексей Еремеев Российскай Федерация сокуоннарын үгүстэрин бары субъектарга быһаччы үлэлиир гына ылыммытын, кэлин сылларга эрэ, ордук 2011 сылтан бэттэх, субъектарга федеральнай сокуоннарынан биэртэлээһин баран эрэрин туһунан эттэ. “Биһиэхэ бэриллибит ураты боломуочуйаларбытын ылан көрдөххө, биһиги 23 сүрүн төрүт сокуоннаахпыт. Ол гынан баран бу тыа хаһаайыстыбатын туһунан базовай сокуон баччааҥҥа диэри ылыллыбакка олорор”, -- диэтэ сис кэмитиэт председателэ Алексей Еремеев. Кини саха итэҕэлин дьиэлэрин тутууга государство өттүттэн үбүлээһин оҥоһуллуо сөбүн туһунан улуус депутата Альберт Соловьев ыйытыытыгар хоруйдаан, Россия государствота ханнык да итэҕэлгэ олоҕурбатын, итэҕэли государство дьаһайар дьыалата буолбатаҕын, онон итэҕэл дьиэлэрин тутууну дьон бэйэтэ үбүлээн туттарарын быһааран биэрдэ.
 
Анатолий Добрянцев улуус депутаттарыгар Ил Түмэн структуратын, фракцияларын, кэмитиэттэрин, сокуону оҥорор үлэтин, ылыллыбыт сокуоннары олоххо киллэриини хонтуруоллааһын туругун, парламент федеральнай сокуоннары көҕүлүүр үлэтин билиһиннэрдэ. “Сокуон барылларыгар, ордук государственнай бюджеты ылыныыга,   саамай күүстээх дьүүллэһиилэр парламент сис кэмитиэттэригэр барар”, -- диэтэ Анатолий Добрянцев. Кини улуус депуттарын мунньаҕа Ил Түмэҥҥэ сокуону көҕүлээн киллэрэр быраабынан туһаныахтааҕын, республика нэһилиэктэриттэн Мастаах нэһилиэгэ бэйэтин сиригэр-уотугар арыгыта суох зонаны биллэриитин Ил Түмэн сокуонунан бигэргэттэрэргэ этии киллэрбитин туһунан кэпсээтэ. Спикери бастакы солбуйааччы Ил Түмэн депутаттара Нам улууһугар балачча элбэхтэ сылдьалларын, Хатырык нэһилиэгэр үлэлиир М.К.Аммосов аатынан Государственность музейын көрүүгэ-харайыыга көмөлөһөр попечительскэй Сэбиэт үлэлиирин, маннык көрсөн кэпсэтии хардарыта туһалааҕын бэлиэтээтэ.
 
Анатолий Добрянцев, Юрий Баишев уонна Виктор Федоров Мэҥэ-Хаҥалас улууһугар газохимическэй собуоту тутуунан сибээстээн депутаттар айылҕаны харыстааһын боппуруостарыгар ыйытыыларыгар сиһилии хоруйдары биэрдилэр. “Дальнай Востогу, Россияны, аан дойдуну да ылан көрдөххө, промышленнай производствонан сайдыы барар. Сайдарбыт наада буоллаҕа. Ону бары өттүнэн көрөн-истэн, ырытан бэлэмнэнэрбит эрэйиллэр”, -- диэн эттэ Анатолий Добрянцев. Виктор Федоров ити боппуруос республика Общественнай палататыгар көрүллүбүтүн, общественность собуоту тутууну утарар этиилээҕин бэлиэтээтэ. Юрий Баишев Аллараа Бэстээххэ кэлбит тимир суол станциятын объектарын тутууга элбэх элбэх сир бэриллибитин, өссө муоста тутуллар буоллаҕына, өрүскэ диэри балачча сири хаһан-кутан тутуу барыахтааҕын, оччотугар тыа хаһайыстыбатын сирдэрэ тимириэхтэрэ диэн нэһилиэнньэ долгуйарын, онон собуоту Өлүөнэ өрүстэн, нэһилиэнньэлээх сиртэн тэйиччи, атын сиргэ тутары туруорсарын туһунан эттэ. Улуус депутаттара бу боппуруоска Ил Түмэн бэйэтин позициятын чуолкай биллэрэрэ наадалааҕын ыйдылар.
 
Виктор Губарев Нам улууһа улахан ис кыахтаах улуус буоларын, республика норуоттарын спартакиадатын үрдүк таһымнаахтык ыыппыттарын бэлиэтээтэ итиэннэ улуус депутаттарыгар туһаайан  Кыайыы 70 сылыгар сэрии кыттыылаахтарын таһынан сэрии сылларын оҕолоругар болҕомтону ууралларыгар эттэ. Социальнай суолталаах тутуулары үбүлээһин, тыа сирин уонна тыа хаһаайыстыбатын сайдыытын уо.д.а. боппуруостарыгар Юрий Николаев, Дмитрий Саввин, Елена Голомарева бэйэлэрин салайар сис кэмитиэттэрин ыытар үлэтин билиһиннэрдилэр, элбэх ыйытыыларга хоруйдаатылар. 
 
Улуус депутаттарыттан Иван Попов, Алексей Попов, Руслан Окороков, Евтропий Тихонов, Николай Жирков, Альберт Соловьев, Михаил Новгородов халаан уутуттан көмүскүүр өрүс кытылын бөҕөргөтөр үлэлэри ыытыыны үбүлээһин,  Хатырыккка диэри суолу асфалынан бүрүйүү, предринимательство, спорт уо.д.а тустарынан боппуруостарга кэпсэттилэр.
 
 “2014 сыллаахха биир да улуус мунньаҕа ити быраабын туһаммата, арай киин куорат Думатыттан биир сокуону көҕүлээһин киирбитэ. Бу сылга Чурапчыттан уонна Кэбээйи улууһун Мастаах нэһилиэгиттэн сокуону көҕүлээһиннэр киирдилэр. Эһиги Ил Түмэн депутаттарын курдук, сокуону көҕүлүүр бырааптааххыт. Ол быраапкытын туһаныҥ”, -- диэн көрсүһүүнү түмүктүүрүгэр Алексей Еремеев биир дойдулаахтарын, Нам улууһун депутаттарын сокуону көҕүлээн киллэрэр бырааптарын туһаналларыгар ыҥырда.
 
Ил Түмэн пресс-сулууспата
 
 
 
 
 
Парламентарии Якутии встретились с депутатами улусного Совета депутатов Намского района
 
 
2 апреля 2015 года руководители Государственного Собрания (Ил Тумэн) республики, председатели постоянных комитетов и комиссии парламента Якутии встретились с депутатами районного Совета депутатов Намского улуса. Встреча состоялась в рамках  Дней Намского улуса в Якутске.
 
В мероприятии приняли участие первый заместитель председателя Госсобрания (ил Тумэн) Анатолий Добрянцев, вице-спикер парламента республики Виктор Губарев, председатели постоянных комитетов Ил Тумэна Алексей Еремеев, Юрий Николаев, Виктор Фёдоров, Александр Корякин, Дмитрий Саввин, Юрий Баишев, Елена Голомарёва, председатель мандатной и регламентной комиссии якутского парламента Марфа Филиппова. Намскую делегацию возглавили глава улуса Александр Атласов и председатель районного Совета депутатов Иван Попов.
 
В своём вступительном слове Алексей Еремеев отметил, что 1-2 апреля в Якутске проходят Дни Намского улуса. В таком формате парламентарии Ил Тумэна и депутаты улусного Совета собрались в первый раз. Однако подобные встречи с депутатами представительных органов местного самоуправления для Госсобрания (Ил Тумэн) пятого созыва стали традиционными. Алексей Еремеев ознакомил с деятельностью руководимого им постоянного комитета Ил Тумэна. Также народный депутат республики рассказал о законопроектной деятельности Государственного Собрания (Ил Тумэн). В частности, отметил, что с 2011 года началась передача федеральных полномочий на региональный уровень.
 
Первый вице-спикер Ил Тумэна Анатолий Добрянцев ознакомил депутатов Намского улуса со структурой высшего законодательного органа государственной власти, рассказал о контрольных функциях парламента республики. Парламентарий также проинформировал о работе над принятием законов республики. Отдельно рассказал о работе над принятием главного финансового документа республики – регионального закона о государственном бюджете Якутии. Анатолий Добрянцев рассказал, что на пятнадцатом очередном пленарном заседании Госсобрания (Ил Тумэн) принята законодательная инициатива наслежного Совета муниципального образования «Люччегинский 2-й наслег» Кобяйского улуса. По их инициативе принят республиканский закон «О запрете розничной продажи алкогольной продукции на территории села Мастах муниципального образования «Люччегинский 2-й наслег» Кобяйского улуса Республики Саха (Якутия)». Парламентарий призвал активнее пользоваться правом внесения в Ил Тумэн законодательных инициатив.
 
Кроме того, народные депутаты республики Анатолий Добрянцев, Юрий Баишев и Виктор Фёдоров дали ответы на вопросы депутатов Намского улуса о строительстве газохимического завода в Мегино-Кангаласском улусе.
 
Заместитель председателя Госсобрания (Ил Тумэн) Виктор Губарев отметил, что в Намском улусе на высоком уровне проведена Спартакиада народов Якутии. Вице-спикер Ил Тумэна призвал депутатов улуса в год 70-летия Победы в Великой Отечественной войне обратить особое внимание на «детей войны».
 
Председатели постоянных комитетов Ил Тумэна Юрий Николаев, Дмитрий Саввин и Елена Голомарёва рассказала о специфике работы профильных Комитетов парламента республики, ответили на вопросы депутатов улусного Совета.
 
В разговоре активное участие приняли депутаты из Намского улуса Иван Попов, Алексей Попов, Руслан Окороков, Евтропий Тихонов, Николай Жирков, Альберт Соловьёв, Михаил Новгородов.
 
Завершая мероприятие, Алексей Еремеев ещё раз напомнил депутатам Намского улуса вносить в Государственное Собрание (Ил Тумэн) проекты законов республики.
 
Пресс-служба Ил Тумэна