Бүгүн, балаҕан ыйын 26 күнүгэр, Саха Республикатын Национальнай библиотекатыгар «Саха театрын Антологията – култуураҕа уонна духуобунаска саҥа үрдэл» диэн тиэмэҕэ төгүрүк остуол тула иһирэх кэпсэтии буолан ааста. 

Бу республикатааҕы духуобунас форумун, Саха Республикатын государственноһын күнүн чэрчитинэн ыытыллар тэрээһиҥҥэ Саха Республикатын народнай депутаттара, «Саха театрын Антологията» бырайыак автора, эппиэттиир редактора, Ил Түмэн вице-спикерэ Александр Жирков уонна Саха Республикатын народнай суруйааччыта, Ил Түмэн вице-спикерэ Андрей Кривошапкин кытыннылар.

Киэҥ кэпсэтии буолуон иннинэ Россия кинигэ таһаарааччыларын Ассоциациятын салалтатын аатыттан чуолаан төгүрүк остуол, итиэннэ духуобунас форумун кыттааччыларыгар барыларыгар анаан «Саха театрын Антологията» Россиятааҕы "2011 сыл бастыҥ кинигэтэ" XXIV норуоттар икки ардыларынааҕы быыстапка лауреатын үрдүк аатын ылбытынан эҕэрдэ сурук ааҕылынна.

Ил Түмэн вице-спикерэ Андрей Кривошапкин тыл этэригэр Саха сиригэр буола турар духуобунас форума Россия үрдүнэн сэҥээриини ыларын, дойду араас регионнарын бэрэстэбиитэллэрэ кэлэн форум тэрээһиннэригэр көхтөөхтүк кытталлара ол туоһута буоларын бэлиэтээтэ. Уонна бу ыытыллыбыт тэрээһиннэринэн муҥурдаммакка, этиллибити-көрдөрүллүбүтү өссө сайыннаран салгыырга баҕа санаатын биллэрдэ. Андрей Кривошапкин сүҥкэн суолталаах, өтөрүнэн тахсыбатах үс кинигэлээх Саха тетарын Антологиятын иилээбит-саҕалаабыт киһи Александр Жирков туһунан этэригэр: «Култуура, духуобунас эйгэтигэр маннык государственнай деятель баара кэрэхсэбиллээх. Кини үгүс улахан бырайыактары салайан таһаарда, инникитин да искусство, култуура эйгэтигэр санаата элбэх», диэн бэлиэтээтэ.

Төгүрүк остуол кэмигэр «Саха тетарын Антологията» Саха култууратыгар уонна духуобунаһыгар инновация буоларын, кэнэҕэски суолтата ураты улаханын, духуобунас форума сомоҕолуур суолтатын бэлиэтээн эттилэр «Бичик» Национальнай кинигэ кыһатын дириэктэрэ Август Егоров, Саха академическай театрын дириэктэрэ Анатолий Николаев, кылаабынай режиссера Руслан Тараховскай, ХИФУ профессора Василий Протодьяконов, РФ үтүөлээх, СР народнай артыыстара Ефим Степанов, Анна Кузьмина. Национальнай архыып дириэктэрин солбуйааччыта Наталья Степанова «Антологияҕа» үлэлиир кэмҥэ Саха театрын историятыгар бүгүҥҥү күҥҥэ диэри биллибэт, төрүттэммит сыла кытта уларыйыан сөптөөх, саҥа докумуоннары булбуттарын туһунан эттэ.

Суруйааччылар, учуонайдар, кыраайы үөрэтээччилэр, суруналыыстар Сомоҕотто, Дапсы, Багдарыын Сүлбэ, Иван Ушницкай бэйэлэрин санааларын үллэһиннилэр.

Бырайыак автора, эппиэттээх редактора, Ил Түмэн вице-спикерэ Александр Жирков саха бастакы интеллигенцията норуоту үөрэхтээһиҥҥэ, сырдатыыга улахан болҕомтону уурбутун, ол инниттэн да театры төрүттээн, театр нөҥүө билиини тарҕатаары, бэйэлэрин идеяларын дьоҥҥо-сэргэ тиэрдээри дьаныардаахтык үлэлээбиттэрин, олорбуттарын-айбыттарын бэлиэтээн туран, духуобунай эйгэбит ис туруктарын сайыннарар үлэҕэ т