Биэс сыллааҕыта Ил Түмэн Эдьигээн улууһугар «эбэҥки национальнай оройуона” диэн статуһу иҥэрэр туһунан докумуону ылыммыта. Быйыл статуһу ылыныы биэс сыллаах үбүлүөйүн көрсө оройуон киинигэр сэтинньи 15 күнүгэр Олимпийскай чемпион Роман Михайлович Дмитриевка аналлаах музейдаах кини аатынан тустуу саалата арылынна.
Улууһу ааһан республика спортивнай олоҕор бэлиэ миэстэни ылар улуу спорсмен аатынан тутуу олоххо киирэр үөрүүлээх түгэнигэр Ил Түмэн дьиэ кэргэҥҥэ, оҕо-аймахха, физическэй культураҕа уонна спорка сис кэмитиэтин бэрэссэдээтэлэ Юрий Баишев уонна Ил Түмэн депутата, Р.М.Дмитриев аатынан Олимпийскай резервэ училищетын директора Алексей Филиппов кытыннылар.
Норуот депутаттара улуус салалтатын кытта көрсүһэн, быыбардааччылары приемнаан, Эдьигээн олоҕун-дьаһаҕын туругун, дьонун-сэргэтин санаатын билистилэр. Тустуу саҥа саалатын арыйыы Эдьигээн эдэр бөҕөстөрүгэр, олохтоохторго умнуллубат түгэннэри хаалларда.
Ил Түмэн пресс-сулууспата
Фото из газеты "Эдьигээн сонуннара"
Опубликовано: 22 ноября, 2013 - 13:24
Заметили ошибку в тексте? Выделите ее и нажмите Ctrl+Enter, чтобы сообщить об этом администратору.
Спасибо!
Спасибо!