Ил Түмэн бэрэссэдээтэлэ Александр Жирков тэрийэр хамыыһыйа ыҥырыытынан Кыргызстан народнай суруйааччыта Чингиз Айтматов төрөөбүтэ 85 сылыгар аналлаах “Чингиз Айтматов уонна кини Иссык-Куллааҕы форума: культуралар уонна цивилизациялар алтыһыылара” норуоттар икки ардыларынааҕы форумҥа кыттан кэллэ.
Кини Кыргыз Республикатын Сокуону таһаарар Мунньаҕын Бэрэссэдээтэлин Асылбек Жээнбековы кытта көрсүһүүтүгэр Саха сирин уонна Кыргызстан сокуону таһаарар үрдүкү уорганнарын салгыы бииргэ үлэлээһиннэрин боппуруостарын тула кэпсэттилэр.
Форум пленарнай мунньаҕар Кыргыз Республикатын правительствотын уонна парламенын салалтата, Российскай Федерацияттан итиэннэ аан дойду 19 дойдутуттан, ол иһигэр АХШ, КНР, Италия, Германия, Турция, Казахстан, Финляндия, Азербайджан, о.д.а. государстволартан бэрэстэбиитэллэр, норуоттар икки ардыларынааҕы тэрилтэлэр, культура, наука, литература тэрилтэлэрин салайааччылара, үлэһиттэрэ кытыннылар.
Форум аһыллыытыгар Александр Жирков эҕэрдэ тылыгар саха эпоһа “Дьулуруйар Ньургун Боотур” Кыргызстан ытык киһитэ Бексултан Жакиев өйөбүлүнэн кыргызтыы тылбаастанарын сэргэ, кыргыз “Манаһа” сахалыы тылбаастана сылдьарын туһунан иһитиннэриитин форум кыттыылаахтара дохсун ытыс таһыныынан көрүстүлэр.
Александр Жирков форум чэрчитинэн “АртОрдо” театральнай искусство фестивалын аһыллыытыгар Саха сирин артыыстара “Хаарыан хампа күөх кытылым” (“Пегий пес, бегущий краем моря”) испэктээкили туруора кэлбиттэрин, бу испэктээкил урукку өттүгэр ССРС Государственнай бириэмийэтин ылбытын, айымньыны Саха театра туруоруутун Чингиз Айтматов бэйэтэ көрөн улаханнык биһирээбитин, Саха театрыгар махтаммытын бэлиэтээтэ. Форум кыттыылаахтара Саха сиригэр соторутааҕыта булуллубут бөдөҥ алмааска Чингиз Айтматов аата иҥэриллибитин туһунан иһитиннэриини улаханнык махтана ылыннылар.
Александр Жирков форум чэрчитинэн “АртОрдо” театральнай искусство фестивалын аһыллыытыгар Саха сирин артыыстара “Хаарыан хампа күөх кытылым” (“Пегий пес, бегущий краем моря”) испэктээкили туруора кэлбиттэрин, бу испэктээкил урукку өттүгэр ССРС Государственнай бириэмийэтин ылбытын, айымньыны Саха театра туруоруутун Чингиз Айтматов бэйэтэ көрөн улаханнык биһирээбитин, Саха театрыгар махтаммытын бэлиэтээтэ. Форум кыттыылаахтара Саха сиригэр соторутааҕыта булуллубут бөдөҥ алмааска Чингиз Айтматов аата иҥэриллибитин туһунан иһитиннэриини улаханнык махтана ылыннылар.
Норуоттар икки ардыларынааҕы форум үлэтин кэмигэр Александр Жирков Кыргызстан парламенын үөрэхтээһиҥҥэ, наукаҕа, культураҕа уонна спорка кэмитиэтин бэрэссэдээтэлин, профессор Каныбек Осмоналиевы кытта “Цивилизациялар сайдыыларын киһи аймахха суолталара уонна культурнай хайысхалара” темаҕа секция үлэтин салайда. Форум кыттыылаахтарын этиилэринэн Александр Жирков Иссык-Куль норуоттар икки ардыларынааҕы форумун тэрийэр кэмитиэтин саҥа састаабын чилиэнинэн талылынна.
Норуоттар икки ардыларынааҕы форум пленарнай чааһын түмүгэр Александр Жирков ЮНЕСКО чилиэннэрэ-государстволарга туһаайан 2005 сыллаахха алтынньы 20 күнүгэр Парижка ылыллыбыт норуоттар культураларын араас көрүҥнэрин харыстааһын уонна биһирээһин туһунан Конвенцияҕа холбоһо илик государстволар холбоһоллоругар ыҥырыы таһаарар боппуруоһу көрөллөрүгэр норуоттар икки ардыларынааҕы форумҥа этии киллэрдэ.
«Саха сирэ» республика сүрүн хаһыата, сэтинньи 29 күнэ 2013 с.
Дата последнего изменения: 12 декабря 2018, 15:01