Ытыктабыллаах Саха сирин олохтоохторо!
 
Эһигини государственнай бырааһынньыгынан – Аҕа дойдуну көмүскээччилэр күннэринэн эҕэрдэлиибин!
 
Биһиги дойдубут историята Аҕа дойдуга эрэллээхтик сулууспалаабыт элбэх көлүөнэ полководецтар, саллааттар, бүтүн норуот килбиэннээх хорсун быһыыларын кэрэһилиир. Кинилэр хорсун быһыылара, эр санаалара уонна бигэ дьулуурдара үүнэр сүһүөх ыччаты Ийэ сиргэ бэриниилээх таптал  уонна норуоттар доҕордоһууларын тыыныгар иитиигэ үтүө холобуру көрдөрөр. Бүгүҥҥү күҥҥэ Россия экономическай уонна байыаннай өттүнэн күүстээх государство быһыытынан бэйэтин тирэҕин бөҕөргөтүнэр, армияҕа болҕомто үрдүүр, дойду көмүскэнэр кыаҕын сайыннарыыга көдьүүстээх дьаһаллар ылыллаллар.
 
Бу күн биһиги биир дойдулаах Геройдарбыт Федор Попов, Николай Чусовской, Федор Охлопков, Николай Кондаков, Владимир Лонгинов, Клавдий Краснояров, Михаил Стрекаловскай уонна да атыттар, ССРС итиэннэ РФ эйэлээх олоҕун көмүскээбит Улуу сэрии уонна бойобуой киирсиилэр бары кыттыылаахтарын албан ааттарынан  киэн туттабыт. Саха сирин билиҥҥи көлүөнэ офицердара уонна саллааттара дьон-сэргэ олоҕор куттал суоһаабатын туһугар бэйэлэрин кылааттарын киллэрэн, буойуннар килбиэннээх суолларын дьоһуннук салгыыллар.
 
Олохтоммут үтүө үгэс быһыытынан олунньу 23 күнүгэр биһиги Аҕа дойду бары көмүскээччилэригэр – Улуу сэрии ветераннарыгар, бойобуой киирсиилэр кыттыылаахтарыгар, Сэбилэниилээх күүстэр кэккэлэригэр сулууспалаабыттарга уонна сулууспалыы сылдьааччыларга барҕа махтал тылларын этэбит. Бүгүн -- эр санаалаах, тулуурдаах, дуулаҕа дьулуурдаах, государство уонна дьиэ кэргэн эрэллээх тирэхтэрэ буолар дьиҥнээх эр дьон бырааһынньыктара.
 
Бырааһынньыгынан, ытыктабыллаах Саха сирин олохтоохторо, күндү ветераннар! Эһиэхэ кытаанах доруобуйаны, эйэлээх халлааны, бары үтүөнү, этэҥҥэ буолууну уонна чугас дьоҥҥут истиҥ-иһирэх сыһыаннарын баҕарабын!
 
Александр Жирков,
Саха Республикатын Государственнай Мунньаҕын (Ил Түмэнин) Бэрэссэдээтэлэ