Бу нэдиэлэ саҕаланыытыгар Ил Түмэн сэбиэтин киэҥ ыҥырыылаах мунньаҕа буолан ааста. Нуормалаах биэнсийэ сааһын үрдэтиигэ РФ бырабыыталыстыбата киллэрбит «Биэнсийэни анааһын уонна төлөөһүн боппуруостарыгар РФ биирдиилээн сокуоннарын аакталарыгар уларытыылары киллэрии туһунан» ФС барылыгар СӨ Судаарыстыбаннай мунньаҕын (Ил Түмэнин) сыанабылын туһунан уураах бырайыагын дьүүллэһии барда.